Без разлика дали сте нов фан, пред се поради нашиот Стефан Тренески, или случајно го следите F4 CEZ веќе некое време, еве некои работи што треба да ги знаете пред да започне новата сезона.
За новата 2026 сезона имаме рекорден број на натпреварувачи, со повеќе од 40 Ф4 болиди.
Секоја трка од F4 CEZ шампионатот се пренесува во живо на официјалните профили на социјалните медиуми, дозволувајќи им на фановите да ја следат целата акција од каде било во светот.
Најдобар начин за следење на тркачкиот викенд е на нивниот ЈуТјуб канал, на кој може да пристапите со клик на следниот ЛИНК.
Возачите се на почетокот на нивните кариери во болиди едноседи. Формула 4 е портата кон кружни трки на највисоко ниво. Можеби сè уште не ги препознавате имињата, но многумина ќе продолжат на поголеми сцени.
Следете го F4 CEZ и запознајте ги возачите сега, а за неколку години можеби ќе можете да кажете дека сте ги гледале професионалните спортисти од нивната дебитантска сезона.
Трките ќе се одвиваат и на некои од најпознатите историски патеки, како Ред Бул Ринг и Хунгароринг од Ф1 календарот, како и Автомотодром Брно, познат по МотоГП трките. Вклучени во Ф4 се и патеките Салцбургринг, Автодром Мост и Словачка Ринг.
Во овој шампионат учествуваат и жени возачи, седум ќе се натпреваруваат оваа сезона, секоја со различно ниво на искуство.
Возачите пристигнуваат во F4 CEZ од цела Европа и пошироко. Фановите нема да имаат недостаток од возачи за поддршка, а нас најмногу ќе не интересираат настапите на првиот Македонец во шампионатот, нашиот адут Стефан Тренески.
Секој возач на гридот е тука за да го докаже својот талент. Без разлика дали станува збор за втора или трета сезона или дебитант, сите имаат за цел да ги развијат своите кариери и да се напредуваат кон професионално тркање.
Фановите имаат можност да се приближат до "идните ѕвезди" благодарение на отворениот и достапен падок. Нема големи ограничувања и можеби ќе се најдете лице в лице со возачите.
Со зголемениот број на возачи, викенд форматот е ревидиран. Правилата велат, доколку 33 или повеќе возачи учествуваат на настан, групата ќе биде поделена на две квалификациски сесии.
Врз основа на вкупните квалификациски резултати, возачите потоа ќе бидат поделени во три групи, секоја од нив ќе учествува во две квалификациски трки од 25 минути.
Бодовите се доделуваат во секоја трка, а првите 32 класифицирани возачи продолжуваат кон последната трка од 25 минути.
Сите ќе возат Tatuus F4 T421, болид хомологиран од ФИА, кој се користи во речиси сите Ф4 шампионати низ целиот свет.
Ова осигурува дека возачите и тимовите се натпреваруваат со идентични машини во различни серии, што го олеснува стекнувањето искуство и транзицијата помеѓу шампионатите на Ф4.
ПРОГРАМА НА ВИКЕНДОТ
Петок, 10 Април 2026 година:
08:15-09:05 Колективен тест (50 минути)
10:25-11:15 Колективен тест (50 минути)
14:20-15:10 Колективен тест (50 минути)
17:00-17:50 Тест сесија (50 минути)
Сабота, 11 април 2026 година:
08:15-09:00 Tренинг сесија (45 минути)
10:40-11:00 Квалификации за прва трка (20 минути)
11:05-11:25 Квалификации за втора трка (20 минути)
14:40-15:05 (Група А+Б) Прва Трка (25 минути)
Недела, 12 Април 2026 година:
08:45-09:10 Група Б+Ц Втора Трка (25 минути)
13:20-13:45 Група А+Ц Трета Трка (25 минути)
16:15-16:40 Четврта Трка (25 минути)
