МЕРЦЕДЕС АМГ НАЈБРЗ НА ДЕБИТО НА ПОЛ РИКАРД

Луис Хамилтон го забележа најбрзото време на првиот тренинг за Големата Награда на Франција, за една десетинка од секундата пред неговиот тимски колега, Валтери Ботас.

Тековниот лидер во шампионатот, Себастијан Ветел, се доближи на нешто помалку од секунда зад најбрзото време, доволно за 5-тата позиција на табелата.

Даниел Рикиардо, го имаше третото најбрзо време, за половина секунда побрз пред Кими Раиконен. Сите возачи од најбрзите топ 3 тима беа најбрзи на ултра-меката смеша на Пирели.

Според најновата листа на ПЕ елементи, која ФИА само што ја објави, сите болиди придвижувани од Мерцедес ПЕ, имаат нов мотор, турбо и MGU-H. Моторот е надграден и има подобрени спецификации.

Забележителни на патеката беа и празните трибини, а медиумите јавуваат дека 65.000 луѓе се заглавени во сообраќајот на единствениот пат кој води кон и од патеката.

Нeвообичано многу излетувања надвор од патеката, а се поради ветерот, кој често го менуваше својот правец. Најстрашниот инцидент го имаше Маркус Ериксон со Заубер во последните моменти од сесијата, кога беше покажано црвено знаме и тренингот имаше предвремен крај.

Следува втората тренинг сесија од 16:00 часот, која е од поголема важност за перформансите на тимовите.

2018 ФРАНЦИЈА ГП - ПРВ СЛОБОДЕН ТРЕНИНГ

П.	ВОЗАЧ	ТИМ	ВРЕМЕ	РАЗЛИКА	КРУГ
1	Луис Хамилтон	Мерцедес АМГ	1:32.231		25
2	Валтери Ботас	Мерцедес АМГ	1:32.371	+ 0.140	29
3	Даниел Рикиардо	Ред Бул	1:32.527	+ 0.296	25
4	Кими Раиконен	Ферари	1:33.003	+ 0.772	23
5	Себастијан Ветел	Ферари	1:33.172	+ 0.941	19
6	Роман Грожан	Хас	1:33.318	+ 1.087	22
7	Макс Ферстапен	Ред Бул	1:33.331	+ 1.100	15
8	Пјер Гасли	Торо Росо	1:33.685	+ 1.454	23
9	Серџо Перез	Форс Индија	1:33.719	+ 1.488	26
10	Кевин Магнусен	Хас	1:34.108	+ 1.877	23
11	Карлос Саинц ЈР.	Рено	1:34.258	+ 2.027	25
12	Естебан Окон	Форс Индија	1:34.484	+ 2.253	14
13	Чарлс Леклерк	Заубер	1:34.515	+ 2.282	21
14	Маркус Ериксон	Заубер	1:34.592	+ 2.361	21
15	Брендон Хартли	Торо Росо	1:34.664	+ 2.433	25
16	Фернандо Алонсо	Мекларен	1:34.862	+ 2.631	20
17	Ленс Строл	Вилијамс	1:34.881	+ 2.650	28
18	Нико Хулкенберг	Рено	1:34.993	+ 2.762	24
19	Штофел Вандорн	Мекларен	1:35.021	+ 2.790	24
20	Сергеј Сироткин	Вилијамс	1:35.105	+ 2.874	25

2018 Луис Хамилтон - Мерцедес АМГ - 1:32.231