ЧАРЛС ЛЕКЛЕРК НАЈБРЗ НА ТЕСТ СЕСИЈАТА ВО АБУ ДАБИ

Новиот возач на Ферари, Чарлс Леклерк, ја затвори 2018 сезоната на врвот на табелата со времињата од тест сесијата во Абу Даби, со речиси 4 десетинки побрзо време од неговиот нов тимски колега, Себастијан Ветел, кој беше наjбрз за време на првиот тест ден.

Возачите комплетираа два тест дена на новите 2019 смеши на Пирели, означени како број еден, два, три, четири и пет и сегашните 2018 смеши за референца.

Би било лудо да прогнозираме нешто од овие тест времињата, со нагласок на тест, но фактот што Чарлс Леклерк беше побрз од Себастијан Ветел за Ферари, некако ни се чини дека ќе се покаже како значајна најава на следната сезона.

Се разбира, немаме поим за тоа колку гориво имаа во резервоарот, ниту пак за тоа кои се разликите помеѓу 2019 смешата на Пирели со број 5, која треба да е еквивалент на 2018 хипер-меката смеша.

Сепак, по она што го покажа Леклерк во неговата дебитантска Ф1 сезона, тој нема да се воздржува да нападне и максимално го искористи договорот со Ферари, кој е негова животна прилика.

Сигурни сме дека многуте грешки кои ги направи Ветел оваа сезона е последица на тоа што тој имаше прилично комфорен престој во тимот од Маранело со Кими Раиконен како негов тимски колега, каде Финец одигра совршена улога на број два возач. Сега, покрај себе Германецот ќе има млад возач кој сака да импресионира, докажувајќи се уште во првиот свој настап за црвениот тим.

Карлос Саинц Јр. го започна своето ново поглавје во Формула 1 Шампионатот со позитивно искуство во болидот на Мекларен, комплетирајќи 150 круга и забележувајќи го петтото најбрзо време на вториот тест ден.

Тој имаше шанса да се запознае и прилагоди на контролите и поставките на болидот, како и запознавање со релевантните процеси и постапки кои би му овозможиле да се чувствува удобно зад воланот на новиот болид.

Нешто што беше задача и на останатите дебитанти во своите нови болиди, како неговиот тимски колега Ландо Норис, дебитантот во Вилијамс Џорџ Расел, кој исто како Леклерк, веднаш се виде дека е големо засилување на тимот.

Данил Квјат немаше поголеми проблеми да се навикне на старо/новиот за него болид на Торо Росо. Пјер Гасли кој од следната сезона доби шанса во тимот на Ред Бул, исто така, се покажа во добро светло и ќе биде достојна замена на Австралијанецот.

Кога сме кај Даниел Рикиардо, тој е единствениот возач кој не доби зелено светло од сегашниот тим, Ред Бул, да го испроба неговиот нов  болид за 2019 година - Рено. Можеби во Австрискиот тим стравуваат дека тие ќе биде нивни блиски конкуренти за пласманот во конструктори, што можеби се и во право, па секоја помош од нивна страна би била глупост. Конкуренцијата во Ф1 не трпи емоции.

2018 АБУ ДАБИ ТЕСТ - ВТОР ДЕН
П.	ВОЗАЧ	ТИМ	ВРЕМЕ	РАЗЛИКА	КРУГ
1	Чарлс Леклерк	Ферари	1:36.450		135(5)
2	Пјер Гасли	Ред Бул	1:37.916	+ 1.467	129(5)
3	Ленс Строл	Форс Индија	1:38.044	+ 1.594	122(ХМ)
4	Валтери Ботас	Мерцедес АМГ	1:38.448	+ 1.998	143(5)
5	Карлос Саинц Јр.	Мекларен	1:38.547	+ 2.097	150(5)
6	Артем Маркелов	Рено	1:38.590	+ 2.140	129(ХМ)
7	Џорџ Расел	Вилијамс	1:38.802	+ 2.352	38(ХМ)
8	Данил Квјат	Торо Росо	1:38.862	+ 2.412	155(5)
9	Луис Делетраз	Хас	1:39.069	+ 2.619	117(5)
10	Роберт Кубица	Вилијамс	1:40.265	+ 3.815	56(ХМ)
11	Антонио Џовинаци	Заубер	1:40.435	+ 3.985	128(5)
2018 АБУ ДАБИ ТЕСТ - ПРВ ДЕН
П.	ВОЗАЧ	ТИМ	ВРЕМЕ	РАЗЛИКА	КРУГ
1	Себастијан Ветел	Ферари	1:36.812		69(ХМ)
2	Валтери Ботас	Мерцедес АМГ	1:37.231	+ 0.419	120(5)
3	Ленс Строл	Форс Индија	1:37.415	+ 0.603	56(ХМ)
4	Макс Ферстапен	Ред Бул	1:37.947	+ 1.135	133(УМ)
5	Серџо Перез	Форс Индија	1:37.976	+ 1.164	67(5)
6	Ландо Норис	Мекларен	1:38.187	+ 1.375	138(5)
7	Нико Хулкенберг	Рено	1:38.789	+ 1.977	128(ХМ)
8	Пјетро Фитипалди	Хас	1:39.201	+ 2.389	56(ХМ)
9	Роберт Кубица	Вилијамс	1:39.269	+ 2.457	32(5)
10	Џорџ Расел	Вилијамс	1:39.512	+ 2.700	42(5)
11	Кими Раиконен	Заубер	1:39.878	+ 3.067	102(5)
12	Шон Гелајл	Торо Росо	1:40.435	+ 3.623	150(ХМ)
2018 АБУ ДАБИ ТЕСТ - КОМБИНИРАНИ РЕЗУЛТАТИ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Чарлс Леклерк	Ферари	1:36.450		135(5)
2	Себастијан Ветел	Ферари	1:36.812	+ 0.362	69(ХМ)
3	Валтери Ботас	Мерцедес АМГ	1:37.231	+ 0.781	263(5)
4	Ленс Строл	Форс Индија	1:37.415	+ 0.965	178(ХМ)
5	Пјер Гасли	Ред Бул	1:37.916	+ 1.467	129(5)
6	Макс Ферстапен	Ред Бул	1:37.947	+ 1.497	133(УМ)
7	Серџо Перез	Форс Индија	1:37.976	+ 1.526	67(5)
8	Ландо Норис	Мекларен	1:38.187	+ 1.737	138(5)
9	Карлос Саинц Јр.	Мекларен	1:38.547	+ 2.097	150(5)
10	Артем Маркелов	Рено	1:38.590	+ 2.140	129(ХМ)
11	Нико Хулкенберг	Рено	1:38.789	+ 2.339	128(ХМ)
12	Џорџ Расел	Вилијамс	1:38.802	+ 2.352	80(ХМ)
13	Данил Квјат	Торо Росо	1:38.862	+ 2.412	155(5)
14	Луис Делетраз	Хас	1:39.069	+ 2.619	117(5)
15	Пјетро Фитипалди	Ред Бул	1:39.201	+ 2.751	56(ХМ)
16	Роберт Кубица	Вилијамс	1:39.269	+ 2.819	88(5)
17	Кими Раиконен	Заубер	1:39.878	+ 3.428	102(5)
18	Шон Гелајл	Торо Росо	1:40.435	+ 3.985	150(ХМ)
19	Антонио Џовинаци	Заубер	1:40.435	+ 3.985	128(5)
КОРИСТЕНИ ПНЕВМАТИЦИ 2018 СМЕШИ ХМ - ХИПЕР-МЕКИ УМ - УЛТРА-МЕКИ 2019 СМЕШИ 5 - СМЕША 5 КВАЛИФИКАЦИИ Луис Хамилтон - Мерцедес АМГ - 1:34.794 ТРКА НАЈБРЗ КРУГ Себастијан Ветел - Ферари - 1:40.867
@МкФормула1 - Република Македонија @MkFormula1 - Republic of Macedonia