МЕРЦЕДЕС АМГ СО НЕВЕРОЈАТНИ ВРЕМИЊА НА ПРВИОТ ТРЕНИНГ

Возачите на Мерцедес АМГ имаа идентичен почеток на Унгарското Гран При како и претходните две трки со забележување на најбрзото време на претпладневниот тренинг. Луис Хамилтон на белите(најтврди) гуми беше за 0.086 делови од секундата побрз од Валтери Ботас, а во иста секунда беа уште само возачите на Рејсинг Поинт, Серџо Перез со 0.527с., Ленс Строл со 0.964 заостанување.

Даниел Рикиардо заврши на петтото место за Рено, пред двата болиди на Ферари. Себастијан Ветел беше побрз од Чарлс Леклер за 0.166 делови од секундата.

Болидите на Ферари возеа користејќи ја истата спецификација како и минатиот на Штаерското Гран При, каде што не успеаја да финишираат по меѓусебниот судир во почетниот круг на трката.

Макс Ферстапен сесијата ја заврши на осмото место, со огромни 1.432сек. заостанување зад водечкото време на Мерцедес АМГ. Ландо Норис и Естебан Окон го заокружија Топ 10 пласманот за Мекларен и Рено.

Инженерите на Хонда пронашле аномалии во податоците од ПЕ вградена во болидот на Пјер Гасли, па Французинот мораше сесијата да ја преседи во својата гаража додека таа се испитуваше дел по дел.

Ботас беше втор на малку побрзите жолти гуми, додека Перез своето време го забележа на најмеките црвени гуми. Ќе видиме ли порепрезентативни времиња на попладневната тренинг сесија, која што започнува во 15:00 часот по македонско време.

2020 УНГАРСКО ГП - ТРЕНИНГ 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Луис Хамилтон	Мерцедес АМГ	1:16.003		37
2	Валтери Ботас	Мерцедес АМГ	1:16.089	+ 0.086	37
3	Серџо Перез	Рејсинг Поинт	1:16.530	+ 0.527	20
4	Ленс Строл	Рејсинг Поинт	1:16.967	+ 0.964	35
5	Даниел Рикиардо	Рено	1:17.200	+ 1.197	28
6	Себастијан Ветел	Ферари	1:17.238	+ 1.235	26
7	Чарлс Леклер	Ферари	1:17.404	+ 1.401	29
8	Макс Ферстапен	Ред Бул	1:17.435	+ 1.432	28
9	Ландо Норис	Мекларен	1:17.523	+ 1.520	26
10	Естебан Окон	Рено	1:17.615	+ 1.612	35
11	Карлос Саинц ЈР.	Мекларен	1:17.675	+ 1.672	32
12	Кевин Магнусен	Хас	1:17.715	+ 1.710	35
13	Алекс Албон	Ред Бул	1:17.727	+ 1.724	28
14	Роман Грожан	Хас	1:17.890	+ 1.887	35
15	Николас Латифи	Вилијамс	1:17.969	+ 1.966	31
16	Даниел Квјат	АлфаТаури	1:18.292	+ 2.289	35
17	Антонио Џовинаци	Алфа Ромео	1:18.425	+ 2.422	30
18	Џорџ Расел	Вилијамс	1:18.574	+ 2.571	29
19	Роберт Кубица	Алфа Ромео	1:19.150	+ 3.147	26
20	Пјер Гасли	АлфаТаури	/	/	/
ИСТОРИЈА - ХИБРИДНА ЕРА - ХУНГАРОРИНГ 2014 Луис Хамилтон - Мерцедес АМГ - 1:25.814 2015 Луис Хамилтон - Мерцедес АМГ - 1:25.141 2016 Луис Хамилтон - Мерцедес АМГ - 1:21.347 2017 Даниел Рикиардо - Ред Бул - 1:18.486 2018 Даниел Рикиардо - Ред Бул - 1:17.615 2019 Луис Хамилтон - Мерцедес АМГ - 1:17.233 2020 Луис Хамилтон - Мерцедес АМГ - 1:16.003 ВИДЕО РЕЗИМЕ Т1
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA