ФЕРАРИ ПОБЕДНИК НА ДОЖДЛИВИОТ ХУНГАРОРИНГ

Себастијан Ветел и Ферари со најбрзото време на вториот тренинг. Германецот заврши со предност од 0.272 делови од секундата пред Валтери Ботас со Мерцедес АМГ. Карлос Саинц Јр. беше трет најбрз со болидот на Мекларен.

Доколку некој си помисли дека одденаш Ферари станал конкурентен, се лаже. Се ќе беше во ред доколку ова беше репрезентативна тренинг сесија, но тоа не е така.

Дождот натера многумина возачи, вклучувајќи го и Хамилтон, да излезат на патеката за еден инсталациски круг, за потоа да се откажат од понатамошно возење на патеката.

Пред почетокот на вториот тренинг имаше силен дожд, па квалификациите во Формула 3 беа прекинати поради премногу вода на патеката. Кога дождот намали во својот интензитет, на патеката излегоа камионите за чистење на водата, по што се овозможи навремен старт на вториот тренинг во Формула 1.

Пјер Гасли, кој ја пропушти првата тренинг сесија поради аномалии во податоците од Хонда ПЕ, а за кои подоцна се покажа дека се само отажување на еден сензор, беше првиот возач кој излезе на асфалтот преплавен со вода.

Инженерите на Хонда се уверија дека сите системи работат во ред, па Французинот по само еден круг се врати во својата гаража, чекајќи да се подобри времето.

Дваесет минути подоцна, Серџо Перез и Ленс Строл излегоа на патеката, комплетирајќи неколку круга, обидувајќи се да добијат какви било податоци кои би им помогнале д ги решат проблемите кои им донесоа многу проблеми на минатите квалификации на Ред Бул Ринг.

Кими Раиконен, исто така беше еден од поактивните возачи, стекнувајќи сигурност во својот болид на влажно време. Подоцна му се придружи и Себастијан Ветел со болидот на Ферари.

При крајот на сесијата, неколку возачи се обидоа да комлетираат кругови на интермедиа гумите, испробувајќи ја нивната ефикасност.

2020 УНГАРСКО ГП - ТРЕНИНГ 2
П.	ВОЗАЧ	ТИМ	ВРЕМЕ	РАЗЛИКА	КРУГ
1	Себастијан Ветел	Ферари	1:40.464		12
2	Валтери Ботас	Мерцедес АМГ	1:40.736	+ 0.272	5
3	Карлос Саинц ЈР.	Мекларен	1:41.784	+ 1.320	6
4	Ленс Строл	Рејсинг Поинт	1:42.380	+ 1.916	6
5	Серџо Перез	Рејсинг Поинт	1:42.470	+ 2.006	5
6	Пјер Гасли	АлфаТаури	1:42.588	+ 2.124	7
7	Макс Ферстапен	Ред Бул	1:42.820	+ 2.356	4
8	Роман Грожан	Хас	1:43.335	+ 2.871	6
9	Кими Раиконен	Алфа Ромео	1:43.471	+ 3.007	16
10	Чарлс Леклер	Ферари	1:43.725	+ 3.261	10
11	Антонио Џовинаци	Алфа Ромео	1:44.411	+ 3.947	9
12	Ландо Норис	Мекларен	1:46.000	+ 5.536	5
13	Даниел Квјат	АлфаТаури	1:47.422	+ 6.958	7
14	Естебан Окон	Рено	/	/	1
15	Даниел Рикиардо	Рено	/	/	1
16	Луис Хамилтон	Мерцедес АМГ	/	/	1
17	Николас Латифи	Вилијамс	/	/	2
18	Џорџ Расел	Вилијамс	/	/	2
19	Алекс Албон	Ред Бул	/	/	3
20	Кевин Магнусен	Хас	/	/	1
ИСТОРИЈА - ХИБРИДНА ЕРА - ХУНГАРОРИНГ 2014 Луис Хамилтон - Мерцедес АМГ - 1:24.482 2015 Луис Хамилтон - Мерцедес АМГ - 1:23.949 2016 Нико Розберг - Мерцедес АМГ - 1:20.435 2017 Даниел Рикиардо - Ред Бул - 1:18.455 2018 Даниел Рикиардо - Ред Бул - 1:16.834 2019 Пјер Гасли - Ред Бул - 1:17.854 2020 Себастијан Ветел - Ферари - 1:40.464(дожд)
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA