БОТАС ГО ВРАТИ МЕРЦЕДЕС АМГ НА ВРВОТ

Валтери Ботас го забележа најбрзото време на вториот тест ден на патеката Сакир, со помош на C5 смешата на Пирели, потсетувајќи дека брзината на Мерцедес АМГ е тука, но треба фино подесување на засега пргавиот W12 болид.

Времето на вториот тест ден беше далеку подобро од вчера, па тестирањето продолжи во поидеални услови. Тимовите продолжија да ја спроведуваат својата тест програма, без поголеми проблеми со издржливоста, сите возачи што излегоа на асфалтот поминаа растојание на цела трка, освен Себастијан Ветел, кој имаше проблеми со менувачот на својот Астон Мартин.

Изутрината, се појавија истите проблеми со менувачот на Мерцедес, поради кои што Валтери Ботас преседе во гаражата во поголемиот дел од претходниот ден. Менувачот беше променет, а Германецот во последните минути од сесијата комплетираше само десет круга.

По ручекот беше заменет со Ленс Строл, неговиот тимски колега од Астон Мартин. Себастијан Ветел изрази жалење што во ситуација кога по промената на тимот имаше многу што да научи, сесијата беше потрошена залудно.

Утринската сесија не помина без грешки. Луис Хамилтон имаше извртување во 13-от свиок, по што неговиот болид заглави во чакалот покрај патеката, предизвикувајќи го првото црвено знаме на денот. Николас Латифи имаше слично извртување, при кое ги оштети гумите, но стигна до гаражата на Вилијамс. Карлос Саинц Јр. пробува да ги најде границите на Ферари болидот, при тоа излетувајќи неколку пати од патеката. По паузата за ручек, ветрот намали и имаше многу помалку грешки.

Фернандо Алонсо денес за прв пат го тестираше болидот на Алпин, А521. Шпанецот прв излезе на патеката, одработи богата програма, извозе повеќе од стотина круга и им докажа на скептиците дека е во добра физичка форма.

Во последните два часа тестирање, некои тимови симулираа квалификации и трка со пит-стопа и сите стандардни процедури, но мораа да бидат прекинати. Нешто помалку од час и половина пред крајот на сесијата по втор пат се појавија црвените знамиња.

На стартно/целниот правец, Серџо Перез беше во заветрина зад болидот на Николас Латифи, и кога тој се реши да го претекне, дел од каросеријата над ПЕ на Хонда беше комплетно издуван од неговиот РБ16Б. Неколку минути подоцна, кога остатоците беа отстранети од патеката, возачите повторно можеа да излезат на патеката.

Откако возеше неколку круга на најмеката компонента, Валтери Ботас успеа да го забележи најбрзото време за денот, но останатите потенцијално најбрзи тимови, Мекларен, Ред Бул не учествуваа во борбата за врвот на табелата. Најголемата километража на денот ја имаше Николас Латифи, за кого тестирањето заврши.

Утре започнува последниот тест ден, Џорџ Расел ќе го преземе болидот за Вилијамс, додека Мерцедес АМГ ќе се обиде да ги надополни загубените две утрински сесии во петокот и утринава, подготвувајќи го W12 за одбрана на Шампионската Титула.

2021 БАХРЕИН ТЕСТ СЕСИЈА - ДЕН 2
П.	ВОЗАЧ	ТИМ	ВРЕМЕ	РАЗЛИКА	КРУГ
1	Валтери Ботас	Мерцедес АМГ	1:30.289		58(C5)
2	Пјер Гасли	АлфаТаури	1:30.415	+ 0.124	87(C5)
3	Ленс Строл	Астон Мартин	1:30.460	+ 0.171	70(C4)
4	Ландо Норис	Мекларен	1:30.586	+ 0.297	52(C4)
5	Антонио Џовинаци	Алфа Ромео	1:30.760	+ 0.471	124(C5)
6	Чарлс Леклерк	Ферари	1:30.886	+ 0.597	73(C5)
7	Николас Латифи	Вилијамс	1:31.672	+ 1.383	132(C4)
8	Серџо Перез	Ред Бул	1:31.682	+ 1.393	117(C2)
9	Даниел Рикиардо	Мекларен	1:32.215	+ 1.926	52(C3)
10	Фернандо Алонсо	Алпин	1:32.339	+ 2.050	127(C2)
11	Јуки Цунода	АлфаТаури	1:32.684	+ 2.395	57(C4)
12	Мик Шумахер	Хас	1:32.883	+ 2.594	88(C4)
13	Карлос Саинц Јр.	Ферари	1:33.072	+ 2.83	56(C3)
14	Никита Мазепин	Хас	1:33.101	+ 2.812	76(C4)
15	Луис Хамилтон	Мерцедес АМГ	1:33.399	+ 3.110	58(C2)
16	Себастијан Ветел	Астон Мартин	1:38.849	+ 8.560	10(П)
@МкФормула1 - Република Македонија @MkFormula1 - Republic of Macedonia

2019 БАХРЕИН ТЕСТ СЕСИЈА - ДЕН 2
П.	ВОЗАЧ	ТИМ	ВРЕМЕ	РАЗЛИКА	КРУГ
1	Џорџ Расел	Мерцедес АМГ	1:29.029		101(C5)
2	Серџо Перез	Рејсинг Поинт	1:29.095	+ 0.067	61(C5)
3	Себастијан Ветел	Ферари	1:29.319	+ 0.289	103(C3)
4	Карлос Саинц ЈР.	Мекларен	1:29.795	+ 0.765	21(C3)
5	Данил Квјат	Торо Росо	1:29.911	+ 0.881	111(П)
6	Мик Шумахер	Алфа Ромео	1:29.998	+ 0.968	70(C5)
7	Алекс Албон	Торо Росо	1:30.037	+ 1.007	143(C4)
8	Ленс Строл	Рејсинг Поинт	1:30.049	+ 1.019	35(C5)
9	Дан Тиктум	Ред Бул	1:30.856	+ 1.827	135(C4)
10	Роман Грожан	Хас	1:30.903	+ 1.874	87(C4)
11	Фернандо Алонсо	Мекларен	1:31.006	+ 1.976	69(П)
12	Пјетро Фитипалди	Хас	1:31.209	+ 2.179	48(C3)
13	Ландо Норис	Мекларен	1:31.303	+ 2.273	72(C2)
14	Џек Ајткин	Рено	1:31.500	+ 2.470	103(С4)
15	Николас Латифи	Вилијамс	1:32.198	+ 3.168	100(C4)
16	Карлос Саинц ЈР.	Мекларен	1:32.269	+ 3.239	60(П)
* П - Прототип, тест за Пирели @МкФормула1 - Република Македонија @MkFormula1 - Republic of Macedonia