ФЕРСТАПЕН И ВОЗАЧИТЕ НА МЕКЛАРЕН ЅВЕЗДИ НА ДЕНОТ

Макс Ферстапен го заврши првиот тест ден на патеката Сакир, Бахреин, на врвот на табелата, а веднаш зад него беше Ландо Норис со болидот на Мекларен.

Воедно болидите на Мекларен и тој на Ред Бул беа тие што покажаа најмногу, додека разочарувачки ден имаа возачите на Мерцедес АМГ.

Оваа година Мерцедес АМГ, поради дождливото време во Силверстоун, се реши да не спроведе филмски ден, па новиот W12 за прв пат од својата гаража на патеката излезе утринава и веднаш се врати назад.

Инженерите видоа проблеми со менувањето брзини на телеметријата, Валтери беше повикан назад и механичарите започна со поправки. Ботас беше во можност да се врати на патеката на крајот од утринската сесија.

Тимот изгуби уште еден час на почетокот на попладневниот дел од сесијата, кога Луис Хамилтон седна зад воланот. За прв пат во последните неколку години, Мерцедес АМГ не е на врвот по измината километража на првиот ден од тестовите. Покрај тоа, тимот заврши на последното место со само 48 комплетирани круга, наспроти 139 за лидерите на денот, Ред Бул.

Приврзаниците на предсезонските тестови во Бахреин отсекогаш зборуваа за времето како главен адут, и дека само песочна бура може да го наруши нивниот тек, но според нив тоа беше помалку веројатно од поројните дождови во студената Европа. И во година кога тест деновите беа сведени на минимум, само три, првиот беше нарушен од песочна бура.

Утрово имаше силен ветер, кој во текот на денот се засилуваше, со налети до 50 км/ч. Видливоста остана во рамките на дозволеното, медицинскиот хеликоптер можеше да полета, па тестовите не беа запрени. Што ако условите се уште полоши утре?

Облаци прашина се креваа зад болидите, гумите се лизгаа по песочниот асфалт. Секако, тимовите ги ставија потребните филтри на болидите, но програмата требаше да се прилагоди во согласност со условите, а во вечерните часови ветрот малку се смири.

Во вакви услови имавме тројца возачи кои за прв пат излегоа на патеката со статус на главни возачи, Јуки Цунода во АлфаТаури, Никита Мазепин и Мик Шумахер во Хас. Само во тимот на Вилијамс првиот тест ден беше закажан за нивниот резервен возач, Рој Нисани.

Друг тим кој имаше поголеми проблеми со својот болид очекувано беше ХАС, кој на недовршениот VF-21, презентиран непосредно пред почетокот на денот, по само 15 круга на патеката мораше да го промени менувачот на болдиот на Мик Шумахер. Русинот, Никита Мазепин, имаше подобра среќа и во попладневниот дел го заврши поголемиот дел од програмата што беше планирана од тимските инженери.

Во другите тимови, болидите работеа подобро, многумина веќе на првиот ден поминаа поголема километража од таа на една целосна трка. Потенцијално, во жешките услови на Сакир, можеа да се појават проблеми со ладењето на Мекларен, кој го смени снабдувачот со погонски единици, но за нив денот се одвиваше без проблеми, Даниел Рикиардо беше најбрз на утринската сесија, а Ландо Норис беше брз во втората.

Тестовите беа прекинати само еднаш, кога при крајот на утринската сесија, беа развеани црвените знамиња откако Чарлс Леклерк го паркираше својот Ферари покрај патеката. Од Ферари не дадоа појаснување во што беше проблемот. Како што веќе кажавме, најбрзото време на денот го забележа Макс Ферстапен, кој беше лидер и во измината километража, што претставува одличен почеток на тестовите за Ред Бул.

2021 БАХРЕИН ТЕСТ СЕСИЈА - ДЕН 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Макс Ферстапен	Ред Бул	1:30.674		138(C3)
2	Ландо Норис	Мекларен	1:31.146	+ 0.215	45(C3)
3	Естебан Окон	Алпин	1:31.809	+ 0.472	128(C4)
4	Ленс Строл	Астон Мартин	1:31.945	+ 1.108	46(П)
5	Карлос Саинц Јр.	Ферари	1:32.203	+ 1.245	56(C3)
6	Антонио Џовинаци	Алфа Ромео	1:32.231	+ 1.271	68(C3)
7	Даниел Рикиардо	Мекларен	1:32.727	+ 1.529	45(C2)
8	Пјер Гасли	АлфаТаури	1:32.869	+ 1.557	74(C3)
9	Јуки Цунода	АлфаТаури	1:32.912	+ 2.053	37(C2)
10	Луис Хамилтон	Мерцедес АМГ	1:33.242	+ 2.238	42(C2)
11	Чарлс Леклерк	Ферари	1:33.320	+ 2.568	59(C3)
12	Кими Раиконен	Алфа Ромео	1:33.742	+ 2.646	63(C3)
13	Себастијан Ветел	Астон Мартин	1:34.789	+ 3.068	51(П)
14	Рој Нисани	Вилијамс	1:34.798	+ 4.115	83(C3)
15	Никита Мазепин	Хас	1:36.127	+ 4.124	69(C3)
16	Мик Шумахер	Хас	1:36.850	+ 5.453	15(C2)
17	Валтери Ботас	Мерцедес АМГ	1:37.983	+ 6.176	6(C2)
@МкФормула1 - Република Македонија @MkFormula1 - Republic of Macedonia

2019 БАХРЕИН ТЕСТ СЕСИЈА - ДЕН 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Макс Верстапен	Ред Бул	1:29.379		69(C3)
2	Мик Шумахер	Ферари	1:29.976	+ 0.597	56(C5)
3	Ландо Норис	Мекларен	1:30.800	+ 1.421	22(C3)
4	Роман Грожан	Хас	1:30.982	+ 1.603	42(C3)
5	Алекс Албон	Торо Росо	1:31.089	+ 1.709	71(C3)
6	Луис Хамилтон	Мерцедес АМГ	1:31.156	+ 1.777	77(C3)
7	Даниел Рикиардо	Рено	1:31.584	+ 2.205	45(C4)
8	Ленс Строл	Рејсинг Поинт	1:31.964	+ 2.585	32(C3)
9	Карлос Саинц ЈР.	Мекларен	1:32.059	+ 2.679	32(C2)
10	Антонио Џовинаци	Алфа Ромео	1:32.067	+ 2.687	53(C2)
11	Фернандо Алонсо	Мекларен	1:32.207	+ 2.827	64(П)
12	Пјетро Фитипалди	Хас	1:32.708	+ 3.329	20(C2)
13	Роберт Кубица	Вилијамс	1:33.290	+ 3.910	19(C2)
14	Данил Квјат	Торо Росо	1:33.653	+ 4.273	45(П)
15	Џорџ Расел	Вилијамс	1:33.682	+ 4.302	27(C2)
* П - Прототип, тест за Пирели @МкФормула1 - Република Македонија @MkFormula1 - Republic of Macedonia