На некои патеки, болидите теоретски може да развиваат превисока максимална брзина. На пример, според сегашните прописи, болидите едвај достигнуваат 290 км/ч на излезот од тунелот во Монако, а следната година оваа бројка може да се зголеми на 350 км/ч со максимално користење на батеријата.
Во исто време, на други патеки, користењето на електричниот мотор на правците на максимум ќе доведе до можност болидите нагло да ја изгубат брзината кога ќе се испразни полнењето.
Затоа, максималната моќност ќе биде ограничена со правила на користење.
ФИА планира воведе правила за тоа во кој дел од кругот може да се вози на максимум. На пример, во Мелбурн максималната моќност ќе биде дозволена на 4630 од 5278 метри, во Монте Карло на 1388 од 3337, а во Монца на 4218 од 5793 метри.
Исто така, за да се спречи нагло сопирање на болидите при губење на електричниот полнеж, моќноста може да се ограничи во просек на само 100 киловати во секунда, на одредени патеки и дупло помалку.
Тимовите ќе мора да го земат ова предвид при планирањето на потрошувачката на батеријата по круг.
Дополнително, федерацијата планира да регулира колку тимовите можат да ја полнат батеријата по круг, со ограничување поставено за секоја сесија на секоја патека.
На дадената табела ги имате моменталните вредности за секоја патека.
