МАКС ПОДГОТВЕН ЗА ИСПИШУВАЊЕ НОВА ИСТОРИЈА

Тимот на Макс Ферстапен ќе ја започне саботната 54-та трка ADAC RAVENOL 24h Nürburgring од 4-тата стартна позиција, откако неговиот тимски колега Дани Јункадела постави време од 8:12.005 во Топ квалификациите 3 за Mercedes-AMG Team Verstappen Racing.

Четирикратниот Ф1 шампион, заедно со Јункадела, Лукас Ојер и Жил Гуњон се соочува ќе дебитира на 24H Nürburgring во препознатливиот сино-црвен Mercedes-AMG GT3 Evo.

Самиот Ферстапен беше шести најбрз во Топ квалификациите 2, откако го потврди своето место еден ден претходно со третиот најбрз круг во четвртокот.

Неговото доаѓање привлече невидено внимание кон трката, а викенд билетите за прв пат во историјата на настанот беа целосно распродадени.

Пол позицијата му припадна на Лука Енгстлер со тимот на Ред Бул ABT во автомобилот со број 84, предводејќи го првиот стартен ред за Ламборџини заедно со неговиот тимски колега, Марко Мапели, во автомобилот со број 130.

Аудито на Кристофер Хасе се пласира на третата позиција, пред Ферстапен Рејсинг во вториот ред.

"Мислам дека клучот беше да го оставам мозокот во гаражата и да одам со полна пареа", рече Енгстлер. "Само се обидував да исцедам сè, и на крајот, се испадна добро."

Ферстапен за прв пат излезе на Нордшлајфе во темница, со обилни дождови што создадоа опасни услови на патеката веќе позната како "Зелениот пекол".

Во текот на викендот се предвидува попроменливо време, со ноќни температури кои ќе паднат и до три степени.

"Ова беше прв пат да возам ноќе. Веројатно беа најлошите услови на кои може да се надевате", рече Ферстапен. "Но, беше добро за мене, за моите очи, да се навикнам на темнината. И се чувствував како што треба. Автомобилот се чувствуваше добро цело време додека возевме тука. Имаме многу конкуренција, што генерално е одлично за сите. Но, беше забавно."

Совозачот Дани Jункадела, чиј круг го однесе тимот на вториот ред, беше задоволен од тоа како заврши денот:

"Беше многу добар ден. Идеално, сакате да стартувате од првите пет позиции за трката, а ние сме на 4-то место. Секогаш сакате да бидете на пол позиција, но 4-то место е одлична почетна позиција за она што е многу долга трка."

Кога го прашаа околу кого од четирите возачи е поставен автомобилот, совозачот Лукас Ауер одговори:

"Да бидам искрен, за сите четворица, што е тешко да се постигне, но е важно, бидејќи секој треба да се покаже добро. Тука немаме безбедносни автомобили, па што и да изгубите, навистина губите. Не можете да вратите само со чиста брзина. Значи, верувам дека најдовме многу солидна основа и сите се задоволни од тоа."

На почетокот на својата прва 24-часовна трка, Ферстапен е јасен за тоа што е важно: "Да се избегнуваат проблеми. Не сакате да се здобиете со никаква штета рано."

"Треба да го одржите автомобилот во едно парче, а исто така да направите разлика во сообраќајот. А потоа меѓу возачите треба да се ома добра комуникација, да се разменат добри информации во случај да има променливо време. Да се одржува автомобилот на патеката, а потоа да се обидиме да го максимизираме темпото од автомобилот."

54-то издание на ADAC RAVENOL 24h Nürburgring започнува во 15:00 часот по Македонско време во сабота, 16 мај, завршува во недела 24 часа подоцна.