ХАМИЛТОН ГО ВРАТИ ФЕРАРИ НА ВРВОТ

Луис Хамилтон го освои првото место на првата и единствена тренинг сесија за Големата Награда на Велика Британија.

Британецот, на патеката Силверстоун што ја познава совршено, беше две десетинки од секундата побрз од Кими Антонели и над половина секунда побрз од Чарлс Леклер.

ПРИДРУЖЕТЕ НИ СЕ ВО НАШАТА ВАЈБЕР ГРУПА, НАЈБРЗИОТ НАЧИН ДА ДОЈДЕТЕ ДО ВИСТИНСКИТЕ ИНФОРМАЦИИ ОКОЛУ Ф1 ШАМПИОНАТОТ.

КЛИК ТУКА ЗА ДА СЕ ПРИДРУЖИТЕ

СТРИМ ОД СПРИНТ КВАЛИФИКАЦИИТЕ, 17:30 МК, ЌЕ БИДЕ ПОСТИРАН НА ВООБИЧАЕНИОТ НАЧИН, И ВО НАШИТЕ ВАЈБЕР И ТЕЛЕГРАМ ГРУПИ.

По трката во Австрија на која доминираше Мерцедес АМГ и со чекор напред од Ред Бул, викендот во Силверстоун започна на целосно сув асфалт и температура од 40 степени.

Како што е типично за настаните кои се одвиваат во спринт форматот, немаше време за губење на оваа единствена тренинг сесија.

Луис Хамилтон, кој настапува пред домашната публика, беше првиот што се нареди пит-линијата, а по него следеа мноштво возачи.

Всушност, сите заминаа во акција во рок од пет минути, и сите со бели гуми. Првото забележано време беше 1:34.696 од Луис Хамилтон.

Кими Антонели и Оскар Пјастри веднаш стартуваа со времиња од 1:32. Најтврдата смеша на Пирели овозможи многу кругови, а времињата постепено се намалуваа.

Многу возачи брзо постигнуваа времиња во опсег од 1:31, а Исак Хаџар беше првиот што постав време под таа граница со 1:30.969 како што сесијата се приближуваше кон првaтa четвртина.

Луис Хамилтон на крајот беше најбрзиот возач на белите гуми. Тој постави време од 1:30.521, победувајќи го Кими Антонели за две десетинки од секундата, додека Исак Хаџар, Џорџ Расел и Чарлс Леклер беа четири десетинки зад него.

По половината од сесијата, почнаа да се појавуваат црвените гуми. Возачите на Астон Мартин беа првите што го квалификациски го "нападнаа" Силверстоун, но Фернандо Алонсо имаше време од 1:33.204, а Ленс Строл беше малку побавен со 1:33.389.

Најбрзите тимови чекаа до последната четвртина од сесијата за да го употребат својот втор сет гуми и да го побараат максимумот од своите болиди, како подготовка за Спринт квалификациите.

Во таа ситуација, повторно најбрз беше Луис Хамилтон со време 1:29.260, за да го победи за две десетинки Кими Антонели, кој изгледаше како фаворит кога го заврши својот обид со најмеките гуми за овој викенд.

Најизненадувачката работа во врска со перформансите на Хамилтон не беше тоа што го победи Мерцедес АМГ, туку што заврши точно 599 илјадити делови од секундата пред Чарлс Леклер, кој беше трет на табелата.

Џорџ Расел беше четврти, пред возачите на Мекларен и Ред Бул, сместени наизменично еден по друг. Нико Хулкенберг и Лиам Лосон ги комплетираа најбрзите десет возачи.