ЕКЛСТОУН ЈА ИСПОЛНИ ЖЕЛБАТА НА МАТЕШИЦ, АВСТРИЈА ГП ВО КАЛЕНДАРОТ ЗА 2014 СЕЗОНАТА

Неколку годишната желба на Дитрих Матешиц денес се исполни. Од оваа Австриска компанија за енергетски пијалоци денес со кратко соопштение за Австриските медиуми е потврдено дека е постигнат договор за враќање на ГН на Австрија во Формула 1 календарот за 2014 година, со прецизиран датум, 6 јули.

Во него се вели: "Дитрих Матешиц, сопственикот на Ред Бул, и Берни Еклстоун постигнаа договор за враќање на Формула 1 во Стирија* од следната година."

Враќањето на ГН на Австрија ќе треба да биде формално одобрено од страна на ФИА подоцна оваа година, кога ќе биде донесен и официјалниот календар за 2014 сезоната на состанокот на Светскиот совет за мотоспорт.

*Стирија е држава(Bundesland), кој се наоѓа во југоисточниот дел на Австрија. Таа е втора по големина од 9 Австриски Федерални Држави, со површина од 16.401 км². Се граничи со Словенија, како и другите Австриски држави, Горна Австрија, Долна Австрија, Салцбург, Бургенланд и Каринтија. Има 1.210.700 жители. Главниот град е Грац.