Францускиот весник "Dauphine Libere" тврди дека Шумахер, на денот на несреќата, скијал со камера на неговата кацига, но дека се уште не е познато дали таа била вклучена при фаталниот спуст. Истиот весник, објави дека иследниците денес го испитувале и Мика, 14-годишниот син на Михаел Шумахер, за кој се претпоставува дека во тој момент скијал заедно со својот татко и еден друг пријател.
Германецот се наоѓа во кома, а денес го прослави и неговиот 45 роденден. Несреќата се случи во неделата, во францускиот скијачки центар Мерибел, а лекарите од Универзитетската болница во Гренобл се борат за неговиот живот.
