СРЦЕТО НА ФЕРАРИ ЧУКА ЗА МИХАЕЛ

Денес на 45-от роденденот на Михаел Шумахер, повеќе од двесте фанови од италијански и француски Scuderia Ferrari фан клубови се обединија пред Универзитетската болница во Гренобл. Многу други, од Германија и Шпанија, одговорија на повикот од Ферари, да искажат посебен респект кон нивниот Ф1 идол. Ферари срцето кое беше прикажано денеска на болничкиот паркинг во францускиот град беше држено од рацете на оние кои беа присутни, но, исто така, метафорично и со силата на милиони фанови од целиот свет кои денес се поблиску од кога и да е до Михаел, кога што тој се бори со најтешкиот предизвик на неговиот живот.