2015 БАРСЕЛОНА ТЕСТ - ПАСТОР МАЛДОНАДО ГО УКРАДЕ ПРВОТО МЕСТО ОД ФЕРАРИ

Пастор Малдонадо, по слабиот почеток на денот, при самиот крај на сесијата го постави најбрзото време на првиот ден од тестирањето во Барселона, победувајќи ја Ферари ПЕ со болидите на Кими Раиконен и Фелипe Наср, кои најчесто беа на врвот во текот на денот. Лотусот користеше меки, додека Ферарито на Раиконен, медиум гуми на Пирели. Пастор Малдонадо предизвика две црвени знамиња, но се оправда со најдоброто време. Рекордер по бројот на комплетирани кругови, болид со Рено ПЕ и тоа Торо Росо, со Макс Ферстапен зад воланот и комплетирани 94 круга.

Ферари повторно се покажа во добро светло, но очекуваме најголемите конкуренти Мерцедес АМГ и Ред Бул конечно да покажат добри времиња. Мекларен денес започна добро, Џенсон Батон успеа да комплетира 21 круга, но повторно се соочија со проблеми, па нема да може да продолжат со тест сесијата до сабота. Хонда треба целосно да редизајнира мала компонента од MGU-К под-системот кој е дел од ERS системот.

Луис Хамилтон комплетираше само 11 круга пред да ја прекине сесијата поради болест (висока температура), додека Нико Рзоберг исто така е под знак прашалник за следните денови, имал воспален нерв од вратот, кој предизвикува големи болки. Планот на Мерцедес АМГ за утрешниот ден е да започне Нико, но, ако има неподносливи болки, да го замени Луис, кој би требало да се чувствува подобро. Денес на помош беше повикан Паскал Верлајн, кој денот го започна со болидот на Форс Индија, чив 2014 болид го превзема Серџо Перез.

И тоа е возможно!!! Сузи Волф и Фелипе Наср завршија во чакалот покрај патеката, по нивниот контакт кога Вилијамсот бил на бавен круг, а Зауберот на брз круг. Поголема штета претрпе Зауберот, кој имаше оштетено задно крило, задна суспензија, менувач и под, но механичарите и на двата тима успеаа да ги поправат болидите во рекордно време, за при крај да се најдат повторно на асфалтот. Заубер C34 со мала естетска промена, додадена жолта линија на предниот дел на болидот, но со голем импакт на визуелното дожувување.

Ред Бул и Даниел Рикиардо повторно со проблеми, но имаат добро време, за разлика од вториот тим со Рено ПЕ, кој покажува издржливост, но не баш брзи времиња. Фотографии од денешниот ден на нашата ФБ страна.

ПРВ ТЕСТ ДЕН

ВОЗАЧ	ТИМ	ВРЕМЕ	РАЗЛИКА	КРУГОВИ
1. Пастор Малдонадо	Лотус	1:25.011		69
2. Кими Раиконен	Ферари	1:25.167	+ 0.156	74
3. Даниел Рикиардо	Ред Бул	1:25.547	+ 0.536	59
4. Серџо Перез	Форс Индија	1:26.636	+ 1.625	34
5. Фелипе Наср	Заубер	1:27.307	+ 2.296	79
6. Макс Ферстапен	Торо Росо	1:27.900	+ 2.889	94
7. Џенсон Батон	Мекларен	1:28.182	+ 3.171	21
8. Паскал Верлајн	Форс Индија	1:28.329	+ 3.318	32
9. Паскал Верлајн	Мерцедес АМГ	1:28.489	+ 3.478	48
10. Сузи Волф	Вилијамс	1:28.906	+ 3.895	86
11. Луис Хамилтон	Мерцедес АМГ	1:30.429	+ 5.418	11