2015 УНГАРСКО ГП: МЕРЦЕДЕС ДОМИНИРА, РЕД БУЛ ГО ЗЕДЕ МЕСТОТО НА ФЕРАРИ?!?

Најголемото возбудување на првиот тренинг го приреди Серџо Перез кој успеа да го преврти својот болид на Форс Индија. Тој беше неповреден, но тимот на Форс Индија реши да не учествува на вториот тренинг поради безбедносни причини, т.е. додека не се испитаат причините за откажување на амортизацијата на болидот од Мексиканецот.

Кратко по овој прекин, ново црвеното знаме предизвика Кими Раиконен, кој заработи дупната предна лева гума и остана без предно крило, кое се разлета по асфалтот на Хунгаророинг. Инаку, кога сме кај брзината, Луис Хамилтон го забележа најбрзото време, надополнет со својот тимски колега на второто место, далеку пред сите останати болиди.

Да го одбележиме и деби настапот на Фабио Лајмер во болидот на Манор, додека Џолион Палмер неговиот колега од ГП2 серијата поради инцидентите на крајот од сесијата успеа да излезе четири пати на патеката, но без да постави мерено време.
ПРВ СЛОБОДЕН ТРЕНИНГ

 П.     ВОЗАЧ             ТИМ           ВРЕМЕ      РАЗЛИКА КРУГОВИ
 1. Луис Хамилтон       Мерцедес АМГ   1:25.141              18
 2. Нико Розберг        Мерцедес АМГ   1:25.250   +  0.109   22
 3. Кими Раиконен       Ферари         1:25.812   +  0.671   23
 4. Даниел Рикардо      Ред Бул        1:26.053   +  0.912   20
 5. Дањил Квјат         Ред Бул        1:26.070   +  0.929   17
 6. Себастијан Ветел    Ферари         1:26.395   +  1.254   14
 7. Карлос Саинц ЈР.    Торо Росо      1:26.727   +  1.586   25
 8. Серхио Перез        Форс Индија    1:26.776   +  1.635   14
 9. Валтери Ботас       Вилијамс       1:26.825   +  1.684   19
10. Макс Ферстапен      Торо Росо      1:26.934   +  1.793   27
11. Фернандо Алонсо     Мекларен       1:27.272   +  2.131   16
12. Џенсон Батон        Мекларен       1:27.308   +  2.167   17
13. Нико Хулкенберг     Форс Индија    1:27.317   +  2.176   11
14. Фелипе Маса         Вилијамс       1:27.381   +  2.240   19
15. Фелипе Наср         Заубер         1:27.409   +  2.268   24
16. Маркус Ериксон      Заубер         1:27.732   +  2.591   23
17. Пастор Малдонадо    Лотус          1:28.568   +  3.427    9
18. Вил Стивенс         Манор          1:29.693   +  4.552   17
19. Фабио Лајмер        Манор          1:30.631   +  5.490   18
20. Џолион Палмер       Лотус          без поставено време    4
* 2014: Луис Хамилтон - Мерцедес АМГ - 1:25.814

Мерцедес АМГ со Луис Хамилтон остана на врвот и на втората тренинг сесија на Хунгароринг. Неговиот тимски колега, не беше на ниво на задачата, па го имаше дури четвртото најбрзо време. Помеѓу болидите на сребрените стрели се најдоа тие на Ред Бул, кои беа нивните најблиски предизвикувачи. Место што до сега беше резервирано за Ферари. Данил Квјат и Даниел Рикардо заврши во половина секунда од најдоброто време на Хамилтон, победувајќи го Нико Розберг.

Сепак сесијата не се одвиваше целосно како што имаа испланирано инженерите на Ред Бул, бидејќи нивната слаба точка моторот на Рено, експлодираше на болидот од Австралијанецот на помалку од половина час до крај на сесијата. Температурата на патеката надмина 50 степени целзиусови, што можеби и беше причина Мерцедес АМГ да не форсира премногу.

Истото го најавија од Ферари дека нема да форсираат премногу на овие петочни тренинг сесии, но колку и да не форсирале, разликата е премногу голема за нешто повеќе во саботните квалификации или неделната трка. Себастијан Ветел не можеше да го контролира својот Ферари, и по кој знае кој пат се виде дека не ја сака оваа патека, каде нема забележано Победа ни во 4-те сезони на доминација со Ред Бул. Дури и Фернандо Алонсо со Мекларен беше само за десетинка поспор на осмото место на табелата.

ВТОР СЛОБОДЕН ТРЕНИНГ

 П.     ВОЗАЧ             ТИМ           ВРЕМЕ      РАЗЛИКА КРУГОВИ
 1. Луис Хамилтон       Мерцедес АМГ   1:23.949              36
 2. Данил Квјат         Ред Бул        1:24.300   +  0.351   29
 3. Даниел Рикардо      Ред Бул        1:24.451   +  0.502   16
 4. Нико Розберг        Мерцедес АМГ   1:24.668   +  0.719   34
 5. Кими Раиконен       Ферари         1:25.134   +  1.185   30
 6. Карлос Саинц ЈР.    Торо Росо      1:25.599   +  1.650   37
 7. Себастијан Ветел    Ферари         1:25.660   +  1.711   26
 8. Фернандо Алонсо     Мекларен       1:25.752   +  1.803   31
 9. Валтери Ботас       Вилијамс       1:25.881   +  1.932   35
10. Фелипе Маса         Вилијамс       1:25.920   +  1.971   31
11. Макс Ферстапен      Торо Росо      1:25.935   +  1.986   19
12. Џенсон Батон        Мекларен       1:25.994   +  2.045   32
13. Пастор Малдонадо    Лотус          1:26.090   +  2.141   36
14. Фелипе Наср         Заубер         1:26.379   +  2.430   36
15. Роман Грожан        Лотус          1:26.442   +  2.493   39
16. Маркус Ериксон      Заубер         1:26.831   +  2.882   29
17. Роберто Мери        Манор          1:29.113   +  5.164   29
18. Вил Стивенс         Манор          1:29.115   +  5.166   28
* болидите на Форс Индија не учествуваа поради безбедносни причини

* 2014: Луис Хамилтон - Мерцедес АМГ - 1:24.482