Од Ферари изјавија дека својата програма ја завршиле на нешто повеќе од еден час до затварањето на патеката Пол Рикард во Франција, каде денес се одвиваше првиот ден од тестирањето на Пирели гумите за влажни временски услови. Кими Раиконен комплетираше 99 круга зад воланот на SF15-Т, собирајќи податоци за однесувањето на различните прототипови на гуми донесени од страна на Пирели - официјалниот Ф1 добавувач.
"Се беше како еден нормален ден на тестирање", искоментира Финецот на крајот на сесијата. "Мислам дека е премногу рано да се каже нешто повеќе за овие прототип гуми, но тоа беше многу корисен ден, затоа што сите работевме под исти услови. По подолго време, повторно сме зад воланот, па дури и ако тоа беше само еден ден, секогаш постои нешто што може да се научи."
Утре, на вториот и последен тест ден во 2015 болидот на Ферари ќе седне Себастијан Ветел. Сесијата започнува во 09:30 часот.
КИМИ РАИКОНЕН: СЕКОГАШ МОЖЕ ДА СЕ НАУЧИ НЕШТО НОВО
1/25/2016 09:02:00 PM
0
Share to other apps