Стратегијата од три застанувања во бокс го чинеше шанса за победа, додека неговиот тимски колега, Макс Ферстапен, со само две менувања на гуми, успеа да стане најмладиот победник во Формула 1 Шампионатот.
Рикардо, исто така, во претпоследниот круг од трката заработи и дупната гума, кога со сите сили настојуваше да го претекне Себастијан Ветел, за третото скалило од победничкиот подиум. Но, и покрај овој малер, тој успеа да ја премине целната линија на четвртото место.
"Исходот од трката беше фрустрирачки. Дали е лесно да се продолжи напред? Не би рекол дека е лесно, но секако дека може? Апсолутно. Поминаа повеќе дена од трката, но јас се уште се будам со таа мисла. Јас навечер легнувам со таа мисла, исто така и се будам со таа мисла. Тоа ќе потрае одреден период. Дел од мене е среќен што тимот повторно победува, и мислам дека дел од мене е среќен што сите се супер мотивирани и довербата е на високо ниво."
"Но, од лична страна тоа беше големо разочарување. Секако, тоа е тимски спорт, но се тркаме и за себе лично. Сепак, Макс е сериозен Ф1 возач и тоа е всушност навистина добро за мене. Тој е дефинитивно добра мотивација. Кога се приклучив на Ред Бул се натпреварував против Себ и јас сакав да си ги испитам своите можености, а сега Макс е најновиот предизвик за мене и тоа е еден голем предизвик. Добро е што тој го забележа овој успех, бидејќи тоа значи дека може да бидеме на врвот, што е добро не само за мене, туку најверојатно и за нашите кариери."
