Новите болиди се поголеми, со многу поголеми гуми, но нивната елеганција исчезна, судејќи по досега прикажаното. Иако по само 4 болиди, веруваме дека овој тренд ќе продолжи и на останатите болидите.
Единствена позитивна работа е нивната агресивност, поради закосените предни крила, широките гуми на Пирели, страничниот изглед на задните крила. Ќе биде интересно да се видат овие грамади на тесните улични патеки во Монте Карло и Баку каде бариерите се на милиметри до самиот асфалт.
Понекогаш дури и еден детал може да го расипе изгледот на целиот болид, ајде перките над ПЕ не до толку, иако мислиме дека значително го намалуваат видното поле на возачите, но "thumb" носевите на болидите не можеме да ги поднесеме. Кога нешто е грдо, грдо и по толку години од нивното воведување.
Сега, од наредната сезона ќе фали уште ХАЛО-системот за заштита за целосно негативно доживување.
На тимовите под итно треба да им се нареди да се откажат од ваквите проекциите на носеви и перки, па дури тогаш, можеби, ќе ги имаме едни од најспектакуларните Ф1 болиди на сите времиња.
