ВИКЕНДОТ ВО АМЕРИКА ЗАПОЧНА СО ДОЖД

Со првиот тренинг започна 18/21 Ф1 викенд на Патеката на Америките во Остин. Како што сме навикнати за оваа патека, временските услови не изгледаа сјајно, дождот врнеше во текот на целиот ден. Со најава на дожд и за утрешните квалификации, тимовите мораа да излезат на патеката и да го тестираат однесувањето на своите болиди. Асфалтот беше влажен, немаше сонце, па сушењето на патеката, во почетните мигови на сесијата, беше оставено на возачите.

Сепак, имаше многу вода, па ова беше тренинг на кој возачите беа фокусирани на учење на патеката и местата каде што таа ја "чува" водата, како би знаеле каде да притискаат и каде да се претпазливи.

Луис Хамилтон имаше само два брзи круга, со првиот очигледно не беше задоволен, за да со вториот го постави најбрзото време, кое беше за 1.3 секунди побрзо од неговиот тимски колега, Валтери Ботас на втората позиција на табелата. Веќе е јасно дека Британецот ја смета COTA како домашна патека, и ќе биде особено тешко некој да го победи, а посебно при вакви временски услови.

Дополнителната потврда ќе ја очекуваме за време на вториот тренинг кој започнува во 21:00 часот по македонско време. Ферари и Себастијан Ветел немаат никакви шанси да ги предизвикаат Сребрените Стрели, на дожд нивниот болид е невозможен за возење!!!

2018 САД ГП - ПРВ СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Луис Хамилтон	Мерцедес АМГ	1:47.502		6
2	Валтери Ботас	Мерцедес АМГ	1:48.806	+ 1.304	7
3	Макс Ферстапен	Ред Бул	1:48.847	+ 1.345	9
4	Даниел Рикиардо	Ред Бул	1:49.326	+ 1.824	9
5	Себастијан Ветел	Ферари	1:49.489	+ 1.987	18
6	Кими Раиконен	Ферари	1:49.928	+ 2.426	20
7	Карлос Саинц ЈР.	Рено	1:50.665	+ 3.163	8
8	Роман Грожан	Хас	1:50.821	+ 3.319	10
9	Чарлс Леклерк	Заубер	1:50.961	+ 3.459	14
10	Маркус Ериксон	Заубер	1:51.016	+ 3.514	14
11	Фернандо Алонсо	Мекларен	1:51.036	+ 3.534	9
12	Ландо Норис	Мекларен	1:51.232	+ 3.730	9
13	Пјер Гасли	Торо Росо	1:51.234	+ 3.732	19
14	Серџо Перез	Форс Индија	1:51.459	+ 3.957	18
15	Сергеј Сироткин	Вилијамс	1:51.589	+ 4.087	14
16	Кевин Магнусен	Хас	1:51.614	+ 4.112	15
17	Естебан Окон	Форс Индија	1:51.655	+ 4.153	17
18	Нико Хулкенберг	Рено	1:51.717	+ 4.215	7
19	Ленс Строл	Вилијамс	1:51.896	+ 4.394	14
20	Шон Гелајл	Торо Росо	1:52.625	+ 5.123	21
ИСТОРИЈА - ХИБРИДНА ЕРА - COTA 2014 Луис Хамилтон - Мерцедес АМГ - 1:39.941 2015 Нико Розберг - Мерцедес АМГ - 1:53.989 2016 Луис Хамилтон - Мерцедес АМГ - 1:37.428 2017 Луис Хамилтон - Мерцедес АМГ - 1:36.335 2018 Луис Хамилтон - Мерцедес АМГ - 1:47.502
@МкФормула1 - Република Македонија @MkFormula1 - Republic of Macedonia