ТАТЈАНА КАЛДЕРОН - ДЕВОЈКА СО НАЈГОЛЕМИ ШАНСИ ЗА Ф1 ДЕБИ

Татјана Калдерон, тест-возач на Заубер, викендов успешно ја комплетираше дводневната тест сесија на патеката Фиорано, поминувајќи над 590 километри во 2013 болидот на Заубер, C32, придвижуван од V8 Ф1 моторот на Ферари.

На првиот ден, Колумбијката се фокусираше на подесување на болидот, додека вчера на програмата беа симулации на квалификации и трка.

Во тимот на Заубер се задоволни од нејзините перформанси, како и од константните времиња по круг, како и прикажаната посветеност и издржливост.

Најбрзото забележано време за еден круг беше 58.802 секунди со промотивните гуми на Пирели, при температура на воздухот од 4°-8°C и на асфалтот од 7°-11°C.

Татјана Калдерон: "Изминатите два дена беа многу корисни за мојот развој и јас стекнав драгоцено искуство. Тимот направи одлична работа во подготовката, како и спроведувањето на мојата тест програма. Јас се чувствував удобно во болидот, како и на патеката. Со нетрпение очекувам она што го научив овде, да го спроведам во пракса."

Así lucen @TataCalde @SauberF1Team #AMáximaVelocidad 🏎💨#GirlPower pic.twitter.com/5dabdTVLxs

— Escudería Telmex (@escuderiatelmex) November 17, 2018