РЕД БУЛ ВО ФОРМА НА ПРВИОТ ТРЕНИНГ

Болидите на Ред Бул беа најбрзи на првиот тренинг за Големата Награда на Абу Даби, која се одржува на патеката Јас Марина. Мерцедес АМГ беше на најмеката смеша само на почетокот, кога патеката беше многу лизгава, па тешко е да се процени кој е во предност. Ферари беше на различна стратегија, со големо заостанување со Раиконен на седмо и Ветел на осмо место на табелата.

Првиот слободен тренинг, протече во мирна атмосфера, со неколку не толку сериозни извртувања, излетувања, што е вообичаено за првиот тренинг. Роберт Кубица и Антонио Џовинаци ги заменија местата со Сергеј Сироткин и Чарлс Леклерк. Проблеми за организаторот и ФИА се јавија со новите долги заоблени рабници поставени на повеќето свиоци. Во раните фази изгледаше дека возењето врз нив не беше пречка, но, како што одминуваше сесијата тие почнаа да се распаѓаат.

Интересено е што Луис Хамилтон за прв пат побара и доби дозвола да го има бројот 1 на носот на својот болид на последната трка од сезоната. Сепак, во официјалните документи, тој е пријавен со неговиот број 44.

За пореален одраз на перформансите за овој тркачки викенд ќе треба да го почекаме вториот тренинг кој е закажан за 14:00 MK, т.е. истото време кога се одржуваат квалификациите и трката.

Мерцедес АМГ доминираше на оваа патека во последниве години, со 1-2 Победи во последните три години. Минатата година победник беше Валтери Ботас, со старт од Пол позицијата.

Дали Сребрените стрели ќе продолжат со доминантната форма, по се изгледа, ДА! По најавените проблеми со ПЕ на Хамилтон, дали ова е шанса за 1-ва сезонска Победа на Ботас, или Финецот годинава едноставно речено не го бива...

2018 АБУ ДАБИ ГП - ТРЕНИНГ 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Макс Ферстапен	Ред Бул	1:38.491		27
2	Даниел Рикиардо	Ред Бул	1:38.945	+ 0.454	19
3	Валтери Ботас	Мерцедес АМГ	1:39.452	+ 0.961	29
4	Луис Хамилтон	Мерцедес АМГ	1:39.543	+ 1.052	25
5	Естебан Окон	Форс Индија	1:40.102	+ 1.611	25
6	Кевин Магнусен	Хас	1:40.235	+ 1.744	21
7	Кими Раиконен	Ферари	1:40.417	+ 1.926	24
8	Себастијан Ветел	Ферари	1:40.453	+ 1.962	20
9	Карлос Саинц ЈР.	Рено	1:40.588	+ 2.097	21
10	Роман Грожан	Хас	1:40.663	+ 2.172	23
11	Пјер Гасли	Торо Росо	1:41.671	+ 2.180	17
12	Нико Хулкенберг	Рено	1:41.023	+ 2.532	24
13	Серџо Перез	Форс Индија	1:41.075	+ 2.584	23
14	Брендон Хартли	Торо Росо	1:41.137	+ 2.646	26
15	Ленс Строл	Вилијамс	1:41.493	+ 3.002	21
16	Антонио Џовинаци	Заубер	1:41.662	+ 3.171	23
17	Маркус Ериксон	Заубер	1:41.928	+ 3.437	21
18	Штофел Вандорн	Мекларен	1:42.114	+ 3.623	21
19	Фернандо Алонсо	Мекларен	1:42.315	+ 3.822	16
20	Роберт Кубица	Вилијамс	1:42.992	+ 4.501	25
ИСТОРИЈА - ХИБРИДНА ЕРА - ЈАС МАРИНА 2014 Луис Хамилтон - Мерцедес АМГ - 1:43.476 2015 Луис Хамилтон - Мерцедес АМГ - 1:43.053 2016 Луис Хамилтон - Мерцедес АМГ - 1:42.869 2017 Себастијан Ветел - Ферари - 1:39.006 2018 Макс ферстапен - Ред бул - 1:38:491
@МкФормула1 - Република Македонија @MkFormula1 - Republic of Macedonia