ЛЕКЛЕРК ИМПРЕСИВЕН, ВЕДНАШ СО ПОБРЗО ВРЕМЕ ОД ВЕТЕЛ

Чарлс Леклерк го имаше своето деби како официјален возач на Ферари на вториот тест ден на патеката Јас Марина во Абу Даби. Младиот Моначанец имаше импресивен почеток, веднаш забележувајќи побрзо време од својот нов тимски колега, Себастијан Ветел, за врвот на табелата во предпладневниот дел од сесијата.

За Леклерк, иако ова не е прво искуство со болидот на Ферари, денот е многу емоционален и се чувствува извонредно. Неговото најбрзо време од 1:36.559 е скоро три десетинки побрзо од тоа на Ветел.

Покрај Леклерк, Пјер Гасли го вози болидот на Ред Бул, член на најбрзата тројка во Формула 1 Шампионатот. Гасли, кој последен пат го возеше Ред Бул на тест сесијата во август 2017 година, го забележа второто најбрзо време, 1.4 секунди побавно од Ферарито.

Ленс Строл, повторно се појави зад воланот на Форс Индија, забележувајќи го третото најбрзо време.

Данил Квјат се врати зад воланот на Торо Росо, за првпат откако беше отпуштен по Големата Награда на САД во 2017 година. Неговиот сонародник Артем Маркелов возеше за Рено, додека Луис Делетраз го имаше своето деби во Ф1 болидот на Хас.

Карлос Саинц Јр. го имаше неговото прво појавување во тимот на Мекларен.

Антонио Џовинаци го презеде болидот на Заубер, додека во тимот на Вилијамс во предпладневниот дел од тест сесијата возеше Роберт Кубица, но не забележа репрезентативни времиња по круг.

2018 АБУ ДАБИ ТЕСТ - ДЕН 2, УТРИНСКИ ДЕЛ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Чарлс Леклерк	Ферари	1:36.559		54
2	Пјер Гасли	Ред Бул	1:37.967	+ 1.417	63
3	Ленс Строл	Форс Индија	1:38.044	+ 1.485	47
4	Валтери Ботас	Мерцедес АМГ	1:38.590	+ 2.031	78
5	Данил Квјат	Торо Росо	1:38.862	+ 2.303	52
6	Артем Маркелов	Рено	1:39.240	+ 2.681	47
7	Луис Делетраз	Хас	1:40.154	+ 3.595	51
8	Карлос Саинц Јр.	Мекларен	1:40.383	+ 3.824	59
9	Антонио Џовинаци	Заубер	1:40.435	+ 3.876	41
10	Роберт Кубица	Вилијамс	1:44.208	+ 7.649	39
2018 АБУ ДАБИ Гран При ТРЕНИНГ 1 Макс Ферстапен - Ред Бул - 1:38:491 ТРЕНИНГ 2 Валтери Ботас - Мерцедес АМГ - 1:37.236 ТРЕНИНГ 3 Луис Хамилтон - Мерцедес АМГ - 1:37.176 КВАЛИФИКАЦИИ Луис Хамилтон - Мерцедес АМГ - 1:34.794 ТРКА НАЈБРЗ КРУГ Себастијан Ветел - Ферари - 1:40.867
@МкФормула1 - Република Македонија @MkFormula1 - Republic of Macedonia