БОТАС НАЈБРЗ, ФЕРАРИ СО МИСЛИТЕ КОН НАРЕДНАТА СЕЗОНА

Валтери Ботас го имаше најбрзото време на денот, победувајќи го Макс Ферстапен на попладневната тренинг сесија за Големата Награда на Абу Даби. Неговиот тимски колега, Шампионот за 2018 година, Луис Хамилтон, ја штедеше својата ПЕ и заврши со четвртото најбрзо време.

На средина беа возачите на Ред Бул, Макс Ферстапен пред Даниел Рикиардо. Следни во поредокот беа болидите на Црното коњче, Кими пред Себастијан. Останатите далеку назад, а најдобар од нив повторно Роман Грожан со болидот на Хас.

Французинот беше за 0.170 делови од секундата пред возачот на Рено, Нико Хулкенберг, тимскиот колега Кевин Магнусен на деветтото место и Естебан Окон со Форс Индија за комплетирање на најбрзите 10 возачи.

Пјер Гасли имаше солидно темпо на ултра-меките гуми на Пирели, но се спушти на 11-тото место пред вториот болид на Рено на Карлос Саинц Јр., по неговите стинтови на хипер-меката смеша.

Фернандо Алонсо го заврши својот последен Ф1 петок, барем засега, на 13-то место. Шпанецот со болид, кацига и облека специјално дизајнирани за овој викенд, забележа најбрзо време од 1:38.725 за пласман пред вториот болид на Форс Индија зад чиј волан беше Серџо Перез.

Возачот на Заубер, а од следнаѕа сезона на Ферари, Чарлс Леклерк, беше 15-ти, но се пожали на можни оштетувања на подот по неговото излетување надвор од патеката. Брендон Хартли беше 16-ти во вториот Торо Росо, правејќи неколку грешки во неговиот брз круг.

Маркус Ериксон го имаше 17-тото најбрзо време, пред Штофел Вандорн, кој имаше продолжен престој во својата гаража во средината на сесијата, но подоцна излезе на хипер-меките гуми.

На болидите на Вилијамс не им одговара оваа патека, па Ленс Строл и Сергеј Сироткин, убедливо на последните две позиции на табелата.

Кој ќе има Прва стартна позиција на неделната трка ќе дознаеме на утрешните квалификации кои започнуваат во 14:00 часот по македонско време.

2018 АБУ ДАБИ ГП - ТРЕНИНГ 2
П.	ВОЗАЧ	ТИМ	ВРЕМЕ	РАЗЛИКА	КРУГ
1	Валтери Ботас	Мерцедес АМГ	1:37.236		37
2	Макс Ферстапен	Ред Бул	1:37.280	+ 0.044	32
3	Даниел Рикиардо	Ред Бул	1:37.428	+ 0.192	31
4	Луис Хамилтон	Мерцедес АМГ	1:37.443	+ 0.207	35
5	Кими Раиконен	Ферари	1:37.461	+ 0.225	40
6	Себастијан Ветел	Ферари	1:37.569	+ 0.333	39
7	Роман Грожан	Хас	1:38.060	+ 0.824	30
8	Нико Хулкенберг	Рено	1:38.230	+ 0.994	36
9	Кевин Магнусен	Хас	1:38.318	+ 1.082	30
10	Естебан Окон	Форс Индија	1:38.402	+ 1.167	33
11	Пјер Гасли	Торо Росо	1:38.506	+ 1.270	32
12	Карлос Саинц ЈР.	Рено	1:38.511	+ 1.275	37
13	Фернандо Алонсо	Мекларен	1:38.725	+ 1.489	35
14	Серџо Перез	Форс Индија	1:38.806	+ 1.570	31
15	Чарлс Леклерк	Заубер	1:38.831	+ 1.595	33
16	Брендон Хартли	Торо Росо	1:38.957	+ 1.721	35
17	Маркус Ериксон	Заубер	1:39.502	+ 2.267	36
18	Штофел Вандорн	Мекларен	1:39.938	+ 2.702	18
19	Ленс Строл	Вилијамс	1:40.046	+ 2.810	33
20	Сергеј Сироткин	Вилијамс	1:40.935	+ 3.699	39
ИСТОРИЈА - ХИБРИДНА ЕРА - ЈАС МАРИНА 2014 Луис Хамилтон - Мерцедес АМГ - 1:42.115 2015 Нико Розберг - Мерцедес АМГ - 1:41.983 2016 Луис Хамилтон - Мерцедес АМГ - 1:40.861 2017 Луис Хамилтон - Мерцедес АМГ - 1:37.877 2018 Валтери Ботас - Мерцедес АМГ - 1:37.236
@МкФормула1 - Република Македонија @MkFormula1 - Republic of Macedonia

Скај анализа на возењето на Р.Кубица

Валтери Ботас

Чарлс Леклерек VS рабници