ВЕТЕЛ НАЈБРЗ НА ПРВИОТ ТЕСТ ДЕН ВО БАРСЕЛОНА

Себастијан Ветел го забележа најбрзото време на првиот ден од зимската тест сесијата на патеката Каталуња, крај Барселона, при тоа користејќи ја третата (C3) смеша од 2019 спектарот на Пирели. Германецот беше убедливо на врвот и по број на комплетирани круга, 169, со болидот на Ферари, SF90.

Во услови на стабилни прописи за погонската единица, со секоја измината година проблемите со издржливоста стануваат раритет, па така веќе на првиот ден сите тимови комплетираат кругови доволни барем за една трка. Воопшто немаше проблеми, освен некои ситници кои беа елиминирани по кратка поправка.

Единствено тимот на Вилијамс има проблеми со склопувањето на новиот болид, па така нивниот старт го одложија на уште еден ден, но најверојатно ќе стартуваат на втората тест сесија.

Инсајдерските информации говорат дека проблем се делови од каросеријата, кои биле пратени многу доцна за изработка, па физички не било можно да се направат. Како и да е, овој тим најверојатно се соочува со уште една тешка сезона пред нив, освен ако не сакаат нешто да сокрија!!!

2019 БАРСЕЛОНА I ТЕСТ СЕСИЈА - ДЕН 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Себастијан Ветел	Ферари	1:18.161		169(C3)
2	Карлос Саинц ЈР.	Мекларен	1:18.558	+ 0.397	119(C4)
3	Роман Грожан	Хас	1:19.159	+ 0.998	65(C3)
4	Макс Ферстапен	Ред Бул	1:19.426	+ 1.265	128(C3)
5	Кими Раиконен	Алфа Ромео	1:19.462	+ 1.301	114(C3)
6	Данил Квјат	Торо Росо	1:19.464	+ 1.303	77(C4)
7	Серџо Перез	Рејсинг Поинт	1:19.944	+ 1.783	30(C3)
8	Валтери Ботас	Мерцедес АМГ	1:20.127	+ 1.966	69(C2)
9	Луис Хамилтон	Мерцедес АМГ	1:20.135	+ 1.974	81(C2)
10	Нико Хулкенберг	Рено	1:20.980	+ 2.819	65(C2)
11	Даниел Рикиардо	Рено	1:20.983	+ 2.822	44(C2)
@МкФормула1 - Република Македонија @MkFormula1 - Republic of Macedonia