МЕКЛАРЕН НА ВРВОТ, РЕД БУЛ ПОКАЖА ЗАБИ

Ландо Норис го искачи тимот на Мекларен на врвот од денешната табела со помош на C4 смешата на Пирели, пред Пјер Гасли со Ред Бул и Ленс Строл со Рејсинг Поинт. Сепак, денешното најбрзо време е за повеќе од половина секунда побавно од најбрзото забележано на крајот од минатата тест сесија.

Ландо Норис предизвика две црвени знамиња поради проблемите на MCL34. Во утринските часови, по падот на притисокот во хидрауличниот систем, возачот на Мекларен излета од патеката, по што тимот загуби неколку часа на поправки. Во попладневните часови, веднаш по поставување на најбрзото време, болидот повторно застана на патеката.

Мерцедес АМГ со оглед на големиот број на нови аеродинамички компоненти во потрагата по дополнителни перформанси, фактички признаваат дека нешто не било во ред во нивниот болид.

Тест сесиите ги започнаа со дизајн на предното крило, кој го насочуваше воздухот кон внатре, наместо кон надвор на предните гуми. Новиот дизајн сега го насочува проток на воздухот кон надвор.

Како резултат на таа промена имаме и цел комплет ситни аеро промени кои може да ги видите на фотографиите подолу во овој пост.

Иако шефот на Мерцедес АМГ, Тото Волф, навести дека ќе требаа"месеци" за да го преиспитаат својот аеродинамичен концепт, ако идеите на противникот се покажат подобри, деловите што ги донесоа денес се почетни експерименти, но, кога имаш моќна фабрика зад себе се се одвива во многу пократок рок.

Но, кога многу менуваш, може да се појават други проблеми, па денес невообичаено за Мерцедес АМГ и W10 мораа да ја менуваат ПЕ, откако Ботас застана на патеката поради проблеми со притисокот на маслото. До крајот на денот, Финецот, успеа да комплетира само пет круга, т.е. вкупно 7 на првиот тест ден.

Тимот вели дека е донесена таква одлука со цел да се продолжи непречено со нивната зацртана тест програма и исто така подобро да се анализа проблемот со притисокот на маслото.

Друг тим кој донесе позабележителни новини е Торо Росо, од кои најголема е новото задно крило заедно со ново Т-крило. За прв пат на пред-сезонските тестирања видовме пристојна дистанца за тимот на Вилијамс, со комплетирани 100+ кругови. Денес на FW42 работеше Џорџ Расел, утре ќе го замени Роберт Кубица.

Кај тимот на Ферари, за прв пат во последниве години, имавме поделена програма за двата возачи во еден ден. Во утринските часови поради проблеми со системот за ладење, Леклерк загуби неколку часа и го заврши предпладневниот дел со само 29 комплетирани кругови, додека во попладневниот дел од сесијата Себастијан Ветел работеше на долги стинтови и симулација на трка. Италијанците беа незабележителни со многу мирен тест ден.

2019 БАРСЕЛОНА II ТЕСТ СЕСИЈА - ДЕН 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Ландо Норис	Мекларен	1:17.709		80(C4)
2	Пјер Гасли	Ред Бул	1:17.715	+ 0.006	136(C3)
3	Ленс Строл	Рејсинг Поинт	1:17.824	+ 0.115	82(C5)
4	Себастијан Ветел	Ферари	1:17.925	+ 0.216	81(C3)
5	Антонио Џовинаци	Алфа Ромео	1:18.589	+ 0.880	99(C4)
6	Алекс Албон	Торо Росо	1:18.649	+ 0.940	103(C4)
7	Чарлс Леклерк	Ферари	1:18.651	+ 0.942	29(C3)
8	Кевин Магнусен	Хас	1:18.769	+ 1.060	131(C4)
9	Џорџ Расел	Вилијамс	1:19.662	+ 1.953	119(C5)
10	Даниел Рикиардо	Рено	1:20.107	+ 2.398	77(C3)
11	Валтери Ботас	Мерцедес АМГ	1:20.167	+ 2.458	7(C2)
12	Луис Хамилтон	Мерцедес АМГ	1:20.332	+ 2.623	83(C2)
13	Нико Хулкенберг	Рено	1:20.348	+ 2.639	80(C3)
@МкФормула1 - Република Македонија Прв сектор - 21.799 - Л.Норис(MCL34) Втор сектор - 28.782 - Л.Норис(MCL34) Трет сектор - 25.730 - Л.Хамилтон(W10) Потенцијално најбрзо време - 1:16.311 @MkFormula1 - Republic of Macedonia

2019 БАРСЕЛОНА II ТЕСТ СЕСИЈА - ДЕН 1 КОРЕГИРАНИ ВРЕМИЊА ЗА C3 СМЕШАТА
П.	ВОЗАЧ	ТИМ	ВРЕМЕ	РАЗЛИКА	СМЕША
1	Пјер Гасли	Ред Бул	1:17.715		(C3)
2	Себастијан Ветел	Ферари	1:17.925	+ 0.210	(C3)
3	Ландо Норис	Мекларен	1:18.309	+ 0.549	(C3)
4	Чарлс Леклерк	Ферари	1:18.651	+ 0.936	(C3)
5	Ленс Строл	Рејсинг Поинт	1:19.024	+ 1.309	(C3)
6	Антонио Џовинаци	Алфа Ромео	1:19.189	+ 1.474	(C3)
7	Алекс Албон	Торо Росо	1:19.249	+ 1.534	(C3)
8	Кевин Магнусен	Хас	1:19.369	+ 1.654	(C3)
9	Валтери Ботас	Мерцедес АМГ	1:19.567	+ 1.852	(C3)
10	Луис Хамилтон	Мерцедес АМГ	1:19.732	+ 2.017	(C3)
11	Даниел Рикиардо	Рено	1:20.107	+ 2.392	(C3)
12	Нико Хулкенберг	Рено	1:20.348	+ 2.633	(C3)
13	Џорџ Расел	Вилијамс	1:20.862	+ 3.147	(C3)
@МкФормула1 - Република Македонија @MkFormula1 - Republic of Macedonia