Кога ќе биде вграден во болидите, се очекува дека неговиот капацитетот на заштита ќе изнесува 150 килоњутни, што е еквивалентно на ХАЛО-системот во Формула 1.
Освен тоа, ламинатниот поликарбонат ќе вклучува и антирефлектирачки слој во внатрешноста на штитот, интегриран грејач против замаглување и, можеби, заштитни ленти, кои ќе бидат произведени од страна на трети компании.
Red Bull Advanced Technologies, исто така, ќе работи на понатамошно подобрување на системот, со опција за ладење на кокпитот, кое ќе биде дизајнирано заедно со официјалниот производител на Индикар шасии, Далара.
Технолошкото партнерство беше најавено на заедничката прес-конференција на познатиот Индијанаполис Мотор Спидвеј.
"Ова ново партнерство со Индикар Шампионатот ни овозможува целосно да го истражиме тој потенцијал и да доставиме систем за заштита кој ќе помогне да се спречат сериозни повреди и потенцијално спасување на животите во врвниот амерички шампионат на формула болиди."
"Во текот на следните месеци ќе соработуваме со Индикар и нивните возачи за да го подобриме и усовршиме Аероштитот и со нетрпение очекуваме да го видиме крајниот производ на болидите во 2020 година."
"Би сакале да им се заблагодариме на сите во Red Bull Advanced Technologies за креирање на дизајнот кој ќе биде значаен во еволуцијата на безбедност на мотоспортот не само за Индикар шампионатот, туку и од глобална перспектива."
По завршувањето на конечниот дизајн на Аероштитот од страна на Red Bull Advanced Technologies, раководните лица на Индикар шампионатот планираат да го тестираат во пракса на почетокот на ова лето, со помош на селектирани возачи од шампионатот. Аероштитот треба да се испорача до сите тимови до оваа есен, 2019 година.
