МАКС ВЕРСТАПЕН НАЈБРЗ НА ПАТЕКАТА НА АМЕРИКA

Со првиот тренинг започна ГН на Соединетите Држави, која овој викенд се вози на Патеката на Америките во Остин, Тексас. Возачот на Ред Бул, кој имаше лош викенд во Мексико, овој го започна со силни перформанси, забележувајќи го најбрзото време пред Себастијан Ветел и Алекс Албон.

Два проблеми го одбележаа првиот тренинг, почитување на лимитите на патеката и големите нерамнини на патеката. Првиот не е ништо ново, но што се однесува до нерамнините, тие предизвикаа неколку загрижени радио-коментари и многу искри. Но, позагрижувачки, тие исто така предизвикаа да отпаднат делови од болидот на Хас.

Чарлс Леклерк изгуби доста време во својата гаража, откако неговите механичари открија проблем со педалот за гас, додека Николас Латифи нема баш среќа на неговите тренинг сесии, кога по само 7 комплетирани круга мораше да се повлече од патеката, поради проблем со менувачот, по што акцијата за него беше завршена.

Луис Хамилтон забележа 4-то најбрзо време, кога конечно се реши да премине на црвените гуми, но тоа беше избришано, како потсетување на возачите дека нивните времиња за време на квалификациите ќе бидат избришани, доколку сензорите кои се поставени на свиоците 13 и 19 алармираат дека болидот со сите свои четири тркала излегол надвор од патеката. На своја кожа тоа го почувствува и Чарлс Леклерк во болидот на Ферари. Избришаното време на Моначанецот беше за 0.069 делови од секундата побавно од тоа на Макс Верстапен.

Ова беше прва сесија каде беа испробани 2020 прототиповите гуми на Пирели. Возачите на Мерцедес АМГ избраа да го поминат поголемиот дел од сесијата на нив, да научат и да соберат што повеќе податоци за следната сезона, додека другите беа повеќе заинтересирани да работат на подесувањето на болидите за утрешните квалификации.

Предпладневниот Тренинг се одржа во прилично ладно временски услови, само 11 степени целзиусови, па така порелна слика за распоредот на силите ќе очекуваме за време на вториот тренинг кој започнува во 21:00 часот по македонско време.

2019 САД ГП - ПРВ СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Макс Верстапен	Ред Бул	1:34.057		26
2	Себастијан Ветел	Ферари	1:34.226	+ 0.169	30
3	Алекс Албон	Ред Бул	1:34.316	+ 0.259	28
4	Пјер Гасли	Торо Росо	1:35.008	+ 0.951	32
5	Даниел Рикиардо	Рено	1:35.263	+ 1.206	29
6	Роман Грожан	Хас	1:35.356	+ 1.299	24
7	Чарлс Леклерк	Ферари	1:35.380	+ 1.323	23
8	Луис Хамилтон	Мерцедес АМГ	1:35.439	+ 1.382	32
9	Ленс Строл	Рејсинг Поинт	1:35.586	+ 1.529	31
10	Кевин Магнусен	Хас	1:35.659	+ 1.602	23
11	Даниел Квјат	Торо Росо	1:35.661	+ 1.604	31
12	Карлос Саинц Јр.	Мекларен	1:35.723	+ 1.667	26
13	Кими Раиконен	Алфа Ромео	1:35.854	+ 1.797	22
14	Серџо Перез	Рејсинг Поинт	1:35.971	+ 1.914	29
15	Антонио Џовинаци	Алфа Ромео	1:36.037	+ 1.980	26
16	Нико Хулкенберг	Рено	1:36.124	+ 2.067	24
17	Валтери Ботас	Мерцедес АМГ	1:36.159	+ 2.102	40
18	Ландо Норис	Мекларен	1:36.263	+ 2.206	23
19	Роберт Кубица	Вилијамс	1:37.948	+ 3.891	28
20	Николас Латифи	Вилијамс	1:41.112	+ 7.055	7
ИСТОРИЈА - ХИБРИДНА ЕРА - COTA 2014 Луис Хамилтон - Мерцедес АМГ - 1:39.941 2015 Нико Розберг - Мерцедес АМГ - 1:53.989 2016 Луис Хамилтон - Мерцедес АМГ - 1:37.428 2017 Луис Хамилтон - Мерцедес АМГ - 1:36.335 2018 Луис Хамилтон - Мерцедес АМГ - 1:47.502 2019 Макс Ферстапен - Ред Бул - 1:34.057
@МкФормула1 - Република Македонија @MkFormula1 - Republic of Macedonia