ЛУИС ХАМИЛТОН БЕЗ КОНКУРЕНЦИЈА НА НЕГОВАТА НАЈОМИЛЕНА ПАТЕКА

Шампионот, Луис Хамилтон со многу посилно темпо на попладневниот тренинг. После слабиот утрински перформанс, Британецот со најбрзото време на петочните тренинг сесии, три десетинки побрзо од тоа на Чарлс Леклерк и Макс Верстапен.

По завршените тренинг сесии, како заклучот може да се изведе дека борбата за Пол позицијата ќе биде помеѓу подобрите возачи на трите најбрзи тимови во овој момент, секако со мала предност за Мерцедес АМГ.

Себастијан Ветел беше првиот возач кој имаше квалификациски брз круг, по што се најде на врвот од табелата, но тоа траеше долго. Набрзо беше симнат од неговиот тимски колега, Леклерк, кој имаше побрзо време за 0.357 секунди. Времињата по сектори покажуваа дека Ферари губи голем дел од својата предност низ за нив незгодниот финален сектор.

Следуваше интересен момент, кој може да натера многу тимови да размислуваат за тимска игра со заветрина. Луис Хамилтон го симнува Моначанецот од врвот со нови три десетинки побрзо време, но, во брз круг во кој доби многу корисна заветрина од Роберт Кубица во вториот сектор.

Роман Грожан беше единствениот што се поврза со бариерите, додека Ветел, Џовинази и Квјат имаа поголеми извртувања на разни места на патеката. Оваа патека има големи области за излетување, но сепак може да возврати кога сака.

Испакнатините на асфалтот кои предизвикаа повеќе реакции на возачите за време на пред пладневниот тренинг сега не создаваат поголеми проблеми на возачите.

Макс Верстапен беше меѓу последните возачи до квалификациски брз круг, при што забележа време за само 0.014 делови од секундата зад Леклерк, но речиси 3.5 десетинки пред Ветел.

Валтери Ботас и Алекс Албон беа најслабите возачи од Топ 3 тимовите со речиси секунда заостанување зад најбрзото време на денешните тренинг сесии.

Зад најбрзите, распоредот на силите не е многу појасен, при што Пјер Гасли заврши како најдобар од останатите. Но, со четири различни тимови од седмо до десетто место, за поредокот во средината на табелата ќе решаваат стотинки, ако не и иллјадити делови од секундата.

2019 САД ГП - ВТОР СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Луис Хамилтон	Мерцедес АМГ	1:33.232		34
2	Чарлс Леклерк	Ферари	1:33.533	+ 0.301	33
3	Макс Верстапен	Ред Бул	1:33.547	+ 0.315	28
4	Себастијан Ветел	Ферари	1:33.890	+ 0.658	35
5	Валтери Ботас	Мерцедес АМГ	1:34.045	+ 0.815	34
6	Алекс Албон	Ред Бул	1:34.434	+ 1.202	32
7	Пјер Гасли	Торо Росо	1:34.509	+ 1.277	31
8	Карлос Саинц Јр.	Мекларен	1:34.667	+ 1.435	34
9	Ленс Строл	Рејсинг Поинт	1:34.744	+ 1.512	29
10	Антонио Џовинаци	Алфа Ромео	1:34.839	+ 1.607	29
11	Даниел Рикиардо	Рено	1:34.924	+ 1.692	29
12	Даниел Квјат	Торо Росо	1:34.975	+ 1.743	36
13	Нико Хулкенберг	Рено	1:34.988	+ 1.756	32
14	Ландо Норис	Мекларен	1:35.025	+ 1.793	30
15	Серџо Перез	Рејсинг Поинт	1:35.109	+ 1.877	26
16	Кими Раиконен	Алфа Ромео	1:35.387	+ 2.155	34
17	Кевин Магнусен	Хас	1:35.442	+ 2.210	28
18	Роман Грожан	Хас	1:35.789	+ 2.557	4
19	Џорџ Расел	Вилијамс	1:36.749	+ 3.517	37
20	Роберт Кубица	Вилијамс	1:37.283	+ 4.051	33
ХИБРИДНА ЕРА - ПАТЕКА НА АМЕРИКИТЕ 2014 Луис Хамилтон - Мерцедес АМГ - 1:39.085 2015 одложен поради голем дожд 2016 Нико Розберг - Мерцедес АМГ - 1:37.358 2017 Луис Хамилтон - Мерцедес АМГ - 1:34.668 2018 Луис Хамилтон - Мерцедес АМГ - 1:48.716 2019 Луис Хамилтон - Мерцедес АМГ - 1:33.232
@МкФормула1 - Република Македонија @MkFormula1 - Republic of Macedonia