На болидот повторно доминира белата боја како основа за новиот изглед, украсена со две нијанси на сина боја, посветли тонови од тие претставени на почетокот од сезоната и потемни, потсетувајќи на оригиналните бои на болидите на Вилијамс во минатото.
Потемно сината нијанса на Вилијамс FW43 преовладува во задниот дел од болидот, каде на задното крило е името на тимот наместо спонзор.
Истакнато место имаат логоата на останатите спонзори, како SOFINA, сопственост на Мајкл Латифи, таткото на возачот на тимот Николас Латифи.
Друг спонзор поврзан со Латифи е Италијанскиот бренд LAVAZZA, а компанијата на Латифи е главен увозник на ова кафе на канадскиот пазар.
Од останатите повидливи логоа на спонзори се тие на Руската ИТ компанија Акронис и Понос, развивач на видео игри од Јапонија.
