ЦРНИТЕ СТРЕЛИ НАПРЕД, ФЕРАРИ ТЕШКО ДО ТОП 10 ПЛАСМАН

Возачите на Мерцедес АМГ ја продолжуваат одличната формата од тест сесиите во Барселона и ги забележаа најбрзите времиња на првиот тренинг за ГН на Австрија, со Луис Хамилтон на врвот, а Валтери Ботас веднаш зад него со 0.356 делови од секундата побавно време. Макс Ферстапен го имаше третото најбрзо време со релативно големо заoстанување зад оваа сезона црните стрели на Мерцедес АМГ.

Единствено болидот на Рејсинг Поинт, со Серџо Перез зад управувачот, имаше видливо посериозни проблеми, кога започна да испушта мал облаци од бел чад од под хаубата каде е сместена Мерцедес ПЕ.

Мексиканецот веднаш се упати кон својата гаража, за дополнителни проверки, но тоој повторно се врати на патеката. Облачињата бел чад биле предизвикани од протекување на глицерин од системот за сопирање.

Првата трка од 2020 сезоната се одржува на Ред Бул Ринг во Австрија, место каде следниот викенд ќе се вози и втора трка. По прв пат во историјата на Формула 1 Шампионатот на иста патека ќе се одржат две последователни трки, а тоа ќе се повтори и на патеката Силверстон подоцна следниот месец.

Како што беше најавено и во Австралија со почнување на тренинг сесиите тимот на Ред Бул од ФИА побара да ја разјасни законитоста на контраверзниот систем за управивање со двојна оска на Мерцедес АМГ.

Англо-Германскиот тим потврди дека ДАС системот, кој им дозволува на своите возачи да го прилагодат аголот на нивните предни тркала, ќе биде во употреба за време на овој викенд. ФИА веќе потврди дека ДАС нема да биде дозволен на болидите од следната година.

2020 АВСТРИЈА ГП - ТРЕНИНГ 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Луис Хамилтон	Мерцедес АМГ	1:04.816		42
2	Валтери Ботас	Мерцедес АМГ	1:05.172	+ 0.356	38
3	Макс Ферстапен	Ред Бул	1:05.418	+ 0.602	37
4	Карлос Саинц ЈР.	Мекларен	1:05.431	+ 0.615	41
5	Серџо Перез	Рејсинг Поинт	1:05.512	+ 0.696	33
6	Ландо Норис	Мекларен	1:05.621	+ 0.805	41
7	Алекс Албон	Ред Бул	1:05.701	+ 0.885	29
8	Даниел Рикиардо	Рено	1:05.860	+ 1.044	29
9	Кевин Магнусен	Хас	1:05.907	+ 1.091	27
10	Чарлс Леклер	Ферари	1:05.924	+ 1.108	31
11	Ленс Строл	Рејсинг Поинт	1:06.074	+ 1.258	34
12	Себастијан Ветел	Ферари	1:06.077	+ 1.261	32
13	Естебан Окон	Рено	1:06.270	+ 1.454	22
14	Антонио Џовинаци	Алфа Ромео	1:06.360	+ 1.544	24
15	Кими Раиконен	Алфа Ромео	1:06.365	+ 1.549	28
16	Пјер Гасли	Торо Росо	1:06.404	+ 1.588	25
17	Џорџ Расел	Вилијамс	1:06.495	+ 1.679	27
18	Николас Латифи	Вилијамс	1:06.906	+ 2.090	31
19	Даниел Квјат	Торо Росо	1:06.943	+ 2.127	19
20	Роман Грожан	Хас	1:46.361	+ 41.545	6
ИСТОРИЈА - ХИБРИДНА ЕРА - РЕД БУЛ РИНГ 2014 Нико Розберг - Мерцедес АМГ - 1:11.295 2015 Нико Розберг - Мерцедес АМГ - 1:10.401 2016 Нико Розберг - Мерцедес АМГ - 1:07.373 2017 Луис Хамилтон - Мерцедес АМГ - 1:05.975 2018 Луис Хамилтон - Мерцедес АМГ - 1:04.839 2019 Луис Хамилтон - Мерцедес АМГ - 1:04.838 2020 Луис Хамилтон - Мерцедес АМГ - 1:04.816
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA