За да се поправи ситуацијата, Италијанците одлучија да го реструктуираат нивниот технички оддел за да ја подобрат својата ефикасност и да ја поедностават командната структура, која би им обезбедила на раководителите на секое одделение неопходни овластувања за постигнување на нивните цели.
За таа цел се формираше и нов оддел за развој на перформансите, на чело со Енрико Кардиле. Останатите шефови "куртулија" и остануваат истите.
Лорен Меки спортски директор, Енрико Гвалтиери одговорен за развој на ПЕ, додека Симоне Реста ќе продолжи да го води одделот за шасијата.
"Одделот што ќе го води Енрико Кардиле ќе може да смета на искуството на Рори Бирн и докажан инженер како што е Дејвид Санчез. Тоа ќе биде камен-темелник на развојот на болидот."
"Веруваме дека персоналот на Ферари е на највисоко ниво и немаме на што да им завидуваме на нашите главни конкуренти во овој поглед, но моравме да направиме одлучувачка промена, зголемувајќи ја одговорноста на раководителите на одделите."
"Kажавме неколку пати, но вреди да се повториме: започнавме да ги поставуваме темелите на процес што треба да доведе до нов и траен победнички циклус. Ќе потрае некое време и ќе претрпиме неуспеси како оној што го доживуваме сега во однос на резултатите и перформансите."
"Сепак, ние мора да реагираме на овие недостатоци со сила и решеност да се вратиме да бидеме во самиот врв на овој спорт што е можно поскоро. Ова е она што сите го сакаме и она што го очекуваат нашите фанови ширум светот."
