СЕРЏО ПЕРЕЗ: РАЗЛИКИТЕ СЕ БЛИСКИ, ПОТРЕБНА Е ГОЛЕМА КОНЦЕНТРАЦИЈА

Според многу аналитичари од Шпилберг возач на денот е Серџо Перез, Мексиканецот во редовите на Рејсинг Поинт. Тој имаше многу сериозен настап на денешните тренинг сесии, болидот му легна од прва рака за разлика од неговиот тимски колега, Ленс Строл, кој имаше проблеми во контролирањето на својот болид.

Серџо Перез: "Ова беше интересен ден. Сè е навистина блиску, особено што Ред Бул ринг е толку кратка патека. Болидот се однесуваше добро и јас сум среќен поради тоа. Во фабриката, тимот направи огромна работа и под нас имаме болид кој работи добро."

"Има уште многу работа, вечерва и утре наутро, но ние сме во пристојна форма. Разликите се екстремно блиски, така што ќе биде навистина важно да се комплетираат брзи и без грешка кругови на утрешните квалификации."