Ферари реши да не ги користи црвените гуми на предпладневниот тренинг, туку за прв пат ги испроба на вториот тренинг, со тоа што Себастијан Ветел се пласираше на четвртото место на табелата.
Марио Изола, директор на мотоспорт одделот на Пирели: "Како што се очекуваше, имаме релативно малa разлика во однос на перформансите помеѓу трите смеши кои ги донесовме на Ред Бул Ринг, со круг кој се поминува за нешто повеќе од една минута."
"И покрај долгата пауза што ја имаа возачите, најбрзите времиња на обете тренинг сесии беа малку побрзи од нивните еквиваленти од минатата година, потврдувајќи го развојот на болидите, бидејќи гумите се исти гуми како и во изминатата 2019 година."
"Имаме повеќе болиди кои ќе сакаат Топ 10 пласман, па голема е веројатноста дека црвените гуми ќе бидат главното оружје кое е потребно за да се гарантира шанса за напредок во Q3."
"Најверојатно затоа денес видовме многу возачи кои се концентрираа на долги стинтови со меката, како и со медиум смеша. На толку силно избалансиранa патека, како што е Ред Бул Ринг, најмалите детали ќе значат дури и повеќе од вообичаеното."
