ЛУИС ХАМИЛТОН: БЕВМЕ ДОБРИ, НО МОРА ДА БИДЕМЕ ПРЕТПАЗЛИВИ

Заедничко за сите тимови е тоа што враќањето на патеката им причинило големо задоволство после толку долгата пауза. Во Мерцедес АМГ имаа повеќе надградби на болидот од тест сесиите во Барселона, така што денес имаа напорен ден проверувајќи дали сите системи работат во очекуваните параметри.

Инженерите на Англо-Германскиот тим велат дека денешните времиња ги земаат со резерва, поради фактот што не се знае какви беа ривалите во однос на режимите на гориво или на погонската единица. Очекуваат тенденција на приближување на времињата кога температурите ќе пораснат.

Луис Хамилтон: "Прекрасно е да се вратиме на асфалтот. Помина долго време. Очигледно дека чувството во новиот болид е поразлично од 2018 болидот што го тестиравме на Силверстоун пред неколку недели, но мислам дека успеавме да продолжиме со развојот и подобрувањето на болидот во однос на минатата година, така што тоа е голема позитива."

"Патеката беше малку мрсна и се надевавме дека грипот ќе се подобри, но тоа се случи во многу мала количина. Денеска изгледавме добро на патеката, но никогаш не може премногу да се потпреме на времињата од тренинг сесиите."

"Никогаш не знаеме со каква моќност и гориво работат другите тимови. Така, денешните резултати ќе ги земеме со доза на претпазливост, ќе се обидеме да го подобриме болидот во текот на вечерта и утре да се вратиме на патеката уште побрзи."