Разочарувачки беше што Алекс Албон не успеа да се пласира во Q3 сесијата, но загубеното време во Т3 и особено вчерашното излетување си го направија своето.
Макс Ферстапен направи одлична работа да го извади максимумот од RB16, за најдобрата стартна позиција за тимот од 2016 година на патеката Силверстоун.
Разликата со Мерцедес АМГ е неподнослива, но нивното темпо е често поконкурентно на трка во споредба со квалификациите, па да се надеваме дека Ред Бул може да парира на утрешното Британско Гран При.
"Среќен сум со П3, која ни дава можност за борба, па се надевам дека можеме да имаме чист старт и да го задржиме притисокот кон најбрзите. Ветерот е голем фактор тука и овие болиди се многу чувствителни на тоа. Вчера беше навистина незгодно да се вози низ бавните свиоци, но сè уште учиме за RB16 и се обидуваме да го подобриме."
"Мислам дека најдовме добра насока, за овој викенд ми се чини дека имаме попредвидлив болид и беше многу забавно да се вози. Ќе се обидеме да забележиме добри поени, барем да останеме на третото место, но секогаш се надеваме на повеќе."
