ЛУИС ХАМИЛТОН ГО СОБОРИ РЕКОРДОТ НА СИЛВЕРСТОУН ЗА 91 ПОЛ ПОЗИЦИЈА

Луис Хамилтон го забележа најбрзото време на денешните квалификации, на домашен терен, со рекорд на патеката Силверстоун. Ова е негова 91 Пол позиција во кариерата, седма на Силверстон и третата во оваа сезона. Осма година по ред, првата позиција е резервирана за Мерцедес АМГ.

За разлика од минатата година Валтери Ботас, не можеше да парира и со заостанување од 3 десетинки го заклучи, исто така, рекордниот прв стартен ред за Мерцедес АМГ.

Трет најбрз, очекувано, беше Макс Ферстапен со болидот на Ред Бул, додека Чарлс Леклер со само десетинка побавно време ќе му прави друштво на вториот ред на гридот. Разлика помеѓу црните стрели и останатите е загрижувачка, сите се втора лига!!!

Ландо Норис беше подобриот од дуото на Мекларен и заврши со време доволно за петтото место, пред Ленс Строл со болидот на Рејсинг Поинт.

Карлос Саинц Јр. се пласираше на седмото место пред возачите на Рено, Даниел Рикиардо и Естебан Окон, при што Себастијан Ветел ги заокружи најбрзите 10 возачи на днешните квалификации.

Германецот ќе стартува на меките, црвени гуми, бидејќи не го подобри своето најдобро време во Q2 сесијата, откако се префрли на потрајните Жолти гуми на Пирели.

Скорот во Топ 10 е 50-50% возачи за старт со црвени(Саинц, Норис, Рикиардо, Окон, Ветел) т.е. жолти(Хамилтон, Ботас, Ферстапен, Леклер, Строл) гуми.

Трката за Британското ГП започнува од 15:10 часот по македонско време, со директен пренос на ТВ 24Вести.

2020 БРИТАНСКО ГП - КВАЛИФИКАЦИИ
П.	ВОЗАЧ	ТИМ	ВРЕМЕ	РАЗЛИКА
1.	Луис Хамилтон	Мерцедес АМГ	1:24.303
2.	Валтери Ботас	Мерцедес АМГ	1:24.616	+ 0.315
3.	Макс Ферстапен	Ред Бул	1:25.325	+ 1.022
4.	Чарлс Леклер	Ферари	1:25.427	+ 1.124
5.	Ландо Норис	Мекларен	1:25.782	+ 1.479
6.	Ленс Строл	Рејсинг Поинт	1:25.839	+ 1.536
7.	Карлос Саинц ЈР.	Мекларен	1:25.965	+ 1.662
8.	Даниел Рикиардо	Рено	1:26.009	+ 1.706
9.	Естебан Окон	Рено	1:26.209	+ 1.906
10.	Себастијан Ветел	Ферари	1:26.339	+ 2.036
Q2 Најбрзо Време: Валтери Ботас - 1:25.015
11.	Пјер Гасли	АлфаТаури	1:26.501	+ 1.486
12.	Алекс Албон	Ред Бул	1:26.545	+ 1.530
13.	Нико Хулкенберг	Рејсинг Поинт	1:26.567	+ 1.551
14.	Даниел Квјат*	АлфаТаури	1:26.744	+ 1.729
15.	Џорџ Расел	Вилијамс	1:27.092	+ 2.077
* казна 5 места - промена на менувач Q1 Најбрзо Време: Валтери Ботас - 1:25.801
16.	Кевин Магнусен	Хас	1:27.158	+ 1.357
17.	Антонио Џовинаци	Алфа Ромео	1:27.164	+ 1.363
18.	Кими Раиконен	Алфа Ромео	1:27.367	+ 1.565
19.	Роман Грожан	Хас	1:27.643	+ 1.842
20.	Николас Латифи	Вилијамс	1:27.705	+ 1.904
107% време: 1:31.807
ВИДЕО РЕЗИМЕ - KВАЛИФИКАЦИИ ИСТОРИЈА - ХИБРИДНА ЕРА - СИЛВЕРСТОУН 2014 Нико Розберг - Мерцедес АМГ - 1:35.766 2015 Луис Хамилтон - Мерцедес АМГ - 1:32.248 2016 Луис Хамилтон - Мерцедес АМГ - 1:29.287 2017 Луис Хамилтон - Мерцедес АМГ - 1:26.600 2018 Луис Хамилтон - Мерцедес АМГ - 1:25.892 2019 Валтери Ботас - Мерцедес АМГ - 1:25.093 2020 Луис Хамилтон - Мерцедес АМГ - 1:24.303
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA