МАКС ФЕРСТАПЕН НАЈБРЗ, ДЕБИ НА МИК ШУМАХЕР

Макс Ферстапен го забележа најбрзото време на првиот тренинг, а единствено Валтери Ботас беше расположен да му парира во сесијата која нема големо значење за понатамошниот тек на викендот. Големата Награда на Абу Даби никогаш не се одржала во средината на декември, но, на далечниот исток времето е совршено за трки.

На патеката се врати Луис Хамилтон, кој ја пропушти последната трка поради коронавирусот. Неговата замена Џорџ Расел, мораше да се врати во својот 2020 тим Вилијамс. Имавме привремени замени во два тима. Во Алфа Ромео, Роберт Кубица застана зад воланот од болидот на Антонио Џовинаци, во Хас, Мик Шумахер го замени Кевин Магнусен.

Многу од тимови ја започнаа сесијата со аеродинамички тестови, работејќи на решенија за следната сезона. Единствен возач кој имаше посериозни проблеми беше Даниел Рикиардо, кој мораше да го паркира својот Рено, покрај патеката при деветтиот свиок, што беше крај на сесијата за Австалиецот.

Болидот на Хамилтон имаше проблеми со прегревање на сопирачките, по што тој изгуби половина од сесијата. Алекс Албон го имаше најголемото извртување на патеката, без поголеми последици по неговиот болид.

Вториот тренинг за ГН на Абу Даби и на кој ќе имаме далеку порепрезентативни времиња започнува во 14:00 часот по македонско време.

2020 АБУ ДАБИ ГП - ТРЕНИНГ 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Макс Ферстапен	Ред Бул	1:37.378		26
2	Валтери Ботас	Мерцедес АМГ	1:37.412	+ 0.034	32
3	Естебан Окон	Рено	1:38.515	+ 1.137	34
4	Алекс Албон	Ред Бул	1:38.547	+ 1.169	25
5	Луис Хамилтон	Мерцедес АМГ	1:38.744	+ 1.367	24
6	Ленс Строл	Рејсинг Поинт	1:38.831	+ 1.453	25
7	Серџо Перез	Рејсинг Поинт	1:38.956	+ 1.578	25
8	Даниел Квјат	АлфаТаури	1:39.150	+ 1.772	27
9	Пјер Гасли	АлфаТаури	1:39.160	+ 1.782	30
10	Кими Раиконен	Алфа Ромео	1:39.199	+ 1.821	22
11	Карлос Саинц ЈР.	Мекларен	1:39.330	+ 1.952	27
12	Чарлс Леклер	Ферари	1:39.344	+ 1.967	25
13	Ландо Норис	Мекларен	1:39.352	+ 1.974	28
14	Себастијан Ветел	Ферари	1:39.670	+ 2.292	19
15	Роберт Кубица	Алфа Ромео	1:39.905	+ 2.527	19
16	Џорџ Расел	Вилијамс	1:40.446	+ 3.068	24
17	Николас Латифи	Вилијамс	1:41.063	+ 3.685	27
18	Мик Шумахер	Хас	1:41.235	+ 3.857	23
19	Пјетро Фитипалди	Хас	1:44.069	+ 6.691	24
20	Даниел Рикиардо	Рено	/	/	3
ИСТОРИЈА - ХИБРИДНА ЕРА - ЈАС МАРИНА 2014 Луис Хамилтон - Мерцедес АМГ - 1:43.476 2015 Луис Хамилтон - Мерцедес АМГ - 1:43.053 2016 Луис Хамилтон - Мерцедес АМГ - 1:42.869 2017 Себастијан Ветел - Ферари - 1:39.006 2018 Макс Ферстапен - Ред Бул - 1:38:491 2019 Валтери Ботас - Мерцедес АМГ - 1:36.957 2020 Макс Ферстапен - Ред Бул - 1:37.378
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA