"НАЈМЛАДИОТ" НАЈБРЗ НА ТЕСТОТ ЗА МЛАДИ ВОЗАЧИ

Фернандо Алонсо го забележа најбрзото време на тест сесијата на патеката Јас Марина. Оваа година Шпанецот имаше неколку тестови со две години стар болид на Рено, и тука доби можност да го вози нивниот тековен 2020 болид, RS20. Најбрзото време на Фернандо Алонсо од 1:36.333, беше побрзо од најдоброто време на тимот во квалификациите минатиов викенд, кое го забележа Естебан Окон, 1:36.359.

Првично, по Големата Награда на Абу Даби, што требаше да се одржи две недели порано, беше планирано да се спроведе тридневно тестирање на 18" гуми на Пирели. Но, пандемијата на коронавирусот ги смени плановите, па преминот кон гуми од 18 инчи беше одложен, а тест сесијата беше скратена на еден ден и преименувана во тест сесија на млади возачи.

Претходно, под млади возачи во ФИА се подразбираа возачи кои во својата кариера немаат возено повеќе од две Ф1 трки. Но, Рено се обрати до ФИА со барање да одобри учество на тестовите на 39-годишниот двократен шампион Фернандо Алонсо, а федерацијата неочекувано се согласи.

Потоа од Ферари побараа дозвола за учество на Карлос Саинц Јр., кој ќе им се приклучи од следната година, на тие беа одбиени, со образложение дека може да учествува секој возач што претходната година не бил дел од 2020 Ф1 шампионатот.

Покрај тоа, на денешната тест сесија беше забрането да се користат делови за 2021 година. Болидите мораа целосно да се усогласат со прописите од 2020 година, а возачите можеа да работат само со две смеши од тековниот опсег на Пирели, па така добија по пет комплети C4 и два комплети C5 гуми.

Најмногу кругови, 129, комплетираше единствениот русин на асфалтот, Роберт Шварцман, кој го возеше болидот на Ферари. Мик Шумахер беше на днот на табелата. За разлика од конкуренцијата, тимот на Хас имаше само еден болид на патеката.

Германецот исто така имаше напорен ден, а од тимот изјавија дека се фокусирале на адаптација на возачот со цел веднаш да започне со работа со болидот за време на пред-сезонската тест сесија во Барселона.

Имаше некоку излетувања од патеката, и тоа Себастиен Буеми, Јуки Цунода и Жоу Гуанју имаа блзок контакт со бариерите покрај патеката, но без последици за болидите.

Болидот на Вилијамс зад чив волан беше, Рој Нисани, застана на патеката, што резултираше со единствените црвени знамиња во текот на денот.

Со ова 2020 сезоната и официјално е завршена, а следна акција на Ф1 болидите ќе биде на 2 Март 2021 година кога ќе започне тридневната тест сесија во Барселона.

2020 АБУ ДАБИ ТЕСТ СЕСИЈА
П.	ВОЗАЧ	ТИМ	ВРЕМЕ	РАЗЛИКА	КРУГ
1	Фернандо Алонсо	Рено	1:36.333		105(C5)
2	Ник де Врис	Мерцедес АМГ	1:36.595	+ 0.262	110(C5)
3	Стофел Вандорн	Мерцедес АМГ	1:36.840	+ 0.507	82(C5)
4	Роберт Кубица	Алфа Ромео	1:37.444	+ 1.111	89(C5)
5	Јуки Цунода	АлфаТаури	1:37.557	+ 1.224	123(C5)
6	Јури Випс	Ред Бул	1:37.770	+ 1.437	101(C4)
7	Антонио Фуоко	Ферари	1:37.817	+ 1.484	126(C5)
8	Калум Илот	Алфа Ромео	1:37.826	+ 1.493	93(C5)
9	Жоу Гуанју	Рено	1:37.902	+ 1.569	98(C5)
10	Џек Ајткен	Вилијамс	1:38.153	+ 1.820	78(C4)
11	Роберт Шварцман	Ферари	1:38.157	+ 1.824	129(C5)
12	Себастиен Буеми	Ред Бул	1:38.284	+ 1.951	77(C4)
13	Марино Сато	АлфаТаури	1:38.495	+ 2.162	127(C4)
14	Рој Нисани	Вилијамс	1:39.800	+ 3.467	75(C4)
15	Мик Шумахер	Хас	1:39.947	+ 3.614	125(C5)
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA