Секоја трка од F4 CEZ шампионатот се пренесува во живо на официјалните профили на социјалните медиуми, дозволувајќи им на фановите да ја следат целата акција од каде било во светот.
Најдобар начин за следење на тркачкиот викенд е на нивниот ЈуТјуб канал, на кој може да пристапите со клик на следниот ЛИНК.
Салцбургринг е брза патека лоцирана во австриските ридови и обично нуди возбудливи трки, но овогодинешниот настан ветува уште повеќе акција од кога било досега.
Точно 40 возачи се пријавени за настанот, најдолгиот список на учесници во историјата на оваа патека, домаќин на Ф4 шампионатот од 2024 година.
Имаше неколку промени во списокот на учесници од првиот настан на Ред Бул Ринг во април. Бјен Сезари ќе го има своето деби со Мафи Рејсинг, откако ја достигна минималната возраст од 15 години, што го прави подобен за натпреварување во шампионатот.
Себастијан Фриголе се приклучува на тимот на Драјвекс за своето деби во Салцбургринг. Мексиканскиот возач неодамна го направи преминот од картинг во трки во Формула 4 и, откако се натпреваруваше на неколку трки во Шпанија, сега влегува во шампионатот Ф4 ЦЕЗ.
За Крам Моторспорт ќе настапи младата натпреварувачка Пејтон Весткот, која моментално се натпреварува и во Ф1 Академијата и пристигнува на Салцбургринг директно од трката во Монтреал, каде што заврши трета во втората трка, на која победи добро познатата Матилда Пац.
Германката ја прослави својата прва победа во Ф1 Академијата во само нејзиниот трет викенд во шампионатот. Пац е редовен натпреварувач на Ф4 ЦЕЗ и ќе биде многу мотивирана да постигне силни резултати и на Салцбургринг.
Нејзин нов тимски колега во Матилда Рејсинг ќе биде американецот Дин Педерсен, кој исто така преминува од картинг во трки со болиди едноседи.
Неделата ќе биде целосно посветена на трките, со три трки закажани во текот на денот.
Давид Валтер од Мафи Рејсинг пристигнува во Австрија како лидер во шампионатот со 66 поени, но неговите тимски колеги од Јензер Моторспорт, Елија Вајс, Макс Каран, Тео Боренштајн и Георгиј Засов, се само неколку поени зад него.
Нашиот адут, Стефан Тренески освои 12 поени и моментално се наоѓа на 16-тото место во генералниот пласман. Организаторите на шампионат за овој настан го класифицираа во Група 1 на натпреварувачи.
Со максимум 75 поени достапни во текот на викендот, ќе биде возбудливо да се види како ќе изгледа пласманот во шампионатот по трката во Салцбургринг.
ПРОГРАМА НА ВИКЕНДОТ
Петок, 29 Maj 2026 година:
08:00-08:45 Колективен тест - Група 1 (45 минути)
08:50-09:35 Колективен тест - Група 2 (45 минути)
10:40-11:25 Колективен тест - Група 1 (45 минути)
11:30-12:15 Колективен тест - Група 2 (45 минути)
13:45-14:30 Колективен тест - Група 1 (45 минути)
14:35-15:20 Колективен тест - Група 2 (45 минути)
16:25-17:05 Тест сесија - Група 1 (40 минути)
16:25-17:05 Тест сесија - Група 2 (40 минути)
Сабота, 30 Мај 2026 година:
08:00-08:45 Tренинг сесија - Група 1 (45 минути)
08:50-09:35 Tренинг сесија - Група 2 (45 минути)
11:20-11:40 Квалификации - Група 1 (20 минути)
11:50-12:10 Квалификации - Група 2 (20 минути)
15:50-16:15 ПРВА ТРКА - Група А+Б (25 минути)
Недела, 31 Мај 2026 година:
09:00-09:25 ВТОРА ТРКА - Група Б+Ц (25 минути)
12:00-12:25 ТРЕТА ТРКА - Група А+Ц (25 минути)
16:15-16:40 ЧЕТВРТА ТРКА - НАЈДОБРИ (25 минути)
