Локалниот херој, Фернандо Алонсо беше трет најбрз со болидот на Ферари, а Луис Хамилтон заврши како четврти, но како што напоменавме разликата зад Ред Бул е огромна. Ник Хајдфелд ги комплетираше најдобрите пет на овој тренинг.
Фелипе Маса беше шести најбрз, Џенсон Батон седми, а лидер во шампионатот, Себастијан Ветел беше само 16-ти, но се шпекулира дека неговиот болид бил подесен на новите правила кои ќе важат од Силверстоун, кога стапува на сила забраната за мапирање на моторот. Разликата е 2,5 секунди, што е многу и треба да ги загрижи во тимот на Ред Бул, но дали има место за такво нешто набрзо ќе дознаеме. Сега за сега тоа е прашањето на кое сите нестрпливо чекаме одговор.
Како што рековме, најголем проблем на сите возачи беше прашливата патека, кои се враќаа со валкани гуми во боксот по секој загревачки круг. Многумина чекаа во боксовите за да се исчисти патеката, но и подоцна во текот на сесија многумина имаа проблеми со стабилноста на болидите.
Според постигнатите резултати, охрабрувачки знаци за Рено и Ферари. Италијанскиот тим има нова задна амортизација во обид да ги решат своите проблеми со гумите со тврда компонента. Маса ги пофали нови медуим гуми на Пирели, кои се замена на гумите со тврда компонента, и Ферари може да се каже дека беше конкурентен на тренинг на кој обично работат со резервоар полн со гориво. Дали се тоа вистински перформанси ќе треба да потврдат на наредните тренинзи и Квалификациите.
П. ВОЗАЧ ТИМ ВРЕМЕ РАЗЛИКА КРУГОВИ
1. МАРК ВЕБЕР РЕД БУЛ 1:40.403 22
2. ВИТАЛИЈ ПЕТРОВ РЕНО 1:41.227 + 0.824 20
3. ФЕРНАНДО АЛОНСО ФЕРАРИ 1:41.239 + 0.836 22
4. ЛУИС ХАМИЛТОН МЕКЛАРЕН 1:41.510 + 1.107 23
5. НИК ХАЈДФЕЛД РЕНО 1:41.580 + 1.177 24
6. ФЕЛИПЕ МАСА ФЕРАРИ 1:41.758 + 1.355 23
7. ЏЕНСОН БАТОН МЕКЛАРЕН 1:41.926 + 1.523 14
8. АДРИАН СУТИЛ ФОРС ИНДИЈА 1:41.955 + 1.552 20
9. НИКО РОЗБЕРГ МЕРЦЕДЕС ГП 1:42.043 + 1.640 22
10. ЏЕЈМИ АЛГУЕРСУАРИ ТОРО РОСО 1:42.216 + 1.813 29
11. МИХАЕЛ ШУМАХЕР МЕРЦЕДЕС ГП 1:42.270 + 1.867 26
12. ДАНИЕЛ РИКАРДО ТОРО РОСО 1:42.412 + 2.009 27
13. РУБЕНС БАРИЧЕЛО ВИЛИЈАМС 1:42.704 + 2.301 23
14. СЕРЏО ПЕРЕЗ ЗАУБЕР 1:42.738 + 2.335 20
15. ПАСТОР МАЛДОНАДО ВИЛИЈАМС 1:42.841 + 2.438 28
16. СЕБАСТИЈАН ВЕТЕЛ РЕД БУЛ 1:42.941 + 2.538 21
17. КАМУИ КОБАЈАШИ ЗАУБЕР 1:43.201 + 2.798 18
18. НИКО ХУЛКЕНБЕРГ ФОРС ИНДИЈА 1:43.769 + 3.366 07
19. ХЕИКИ КОВАЛАИНЕН ЛОТУС 1:44.136 + 3.733 17
20. ЖЕРОМ Д`АМБРОЗИО ВИРЏИН 1:45.026 + 4.623 17
21. ТИМО ГЛОК ВИРЏИН 1:45.221 + 4.818 19
22. ВИТАНТОНИО ЛИУЦИ ХРТ 1:45.494 + 5.091 24
23. НАРАИН КАРТИКИЈАН ХРТ 1:46.926 + 6.523 27
24. КАРУН ЧАНДХОК ЛОТУС без поставено време 02
