РЕД БУЛ ВО РАЦЕТЕ НА ВЕТЕЛ Е НАЈБРЗИОТ БОЛИД НА МАРИНА БЕЈ

Себастијан Ветел со Ред Бул на денешните тренинг сесии се покажа како најбрзиот болид во Сингапур. На попладневниот тренинг по него следуваат Џенсон Батон со Мекларен и Фернандо Алонсо со Ферари. Луис Хамилтон направи грешка во својот брз круг, па затоа може да кажеме дека и тој се наоѓа тука некаде во врвот.

Според постигнатите денешни резултати Ред Бул и Мекларен ќе се борат за Пол позиција, а за победа во недела мора да го додадеме и Ферари. И покрај големата разлика меѓу Ветел и Батон сепак утре во квалификациите предноста може и да не биде во корист на Ред Бул. Ветел последен го забележа најбрзиот круг, а како што знаеме условите на патеката, особено по дождот пред првиот тренинг се подобруваат постојано.

Прилично постојани времиња при долгите стинтови од Фернандо Алонсо и Себастијан Ветел, а времињата на Батон и Хамилтон во последните кругови на долгите стинтови се подобрија.

Мерцедес АМГ е тимот од кој се очекуваше повеќе, по најавените надградби на болидот кои требаше да им донесат приближување до најбрзите тимови, но денес тоа не се забележуваше, Нико Розберг со осмо најбрзо време, а Шумахер не ни влезе во најбрзирте десет.

Форс Индија продолжуваат да се претставуваат доста добро на уличните патеки со постојани и прилично пристојни времиња. За разлика од нив Заубер не изгледаа баш најдобро. Лотус исто така не покажаа брзина, но тие често работат на малку поинаква програма во петок, па да почекаме до утрешниот тренинг пред да ги отпишеме од најбрзите.

 П.     ВОЗАЧ             ТИМ           ВРЕМЕ     РАЗЛИКА КРУГОВИ
 1. Себастијан Ветел    Ред Бул        1:48.340             27
 2. Џенсон Батон        Мекларен       1:48.651   + 0.311   24
 3. Фернандо Алонсо     Ферари         1:48.896   + 0.556   26
 4. Марк Вебер          Ред Бул        1:48.964   + 0.624   26
 5. Луис Хамилтон       Мекларен       1:49.086   + 0.746   28
 6. Пол ди Реста        Форс Индија    1:49.300   + 0.960   30
 7. Нико Хулкенберг     Форс Индија    1:49.339   + 0.999   31
 8. Нико Розберг        Мерцедес АМГ   1:49.790   + 1.450   32
 9. Фелипе Маса         Ферари         1:50.039   + 1.699   28
10. Роман Грожан        Лотус          1:50.161   + 1.821   23
11. Михаел Шумахер      Мерцедес АМГ   1:50.263   + 1.923   23
12. Кими Раиконен       Лотус          1:50.345   + 2.005   24
13. Пастор Малдонадо    Вилијамс       1:50.636   + 2.296   32
14. Даниел Рикардо      Торо Росо      1:50.791   + 2.451   26
15. Серџо Перез         Заубер         1:51.122   + 2.782   28
16. Камуи Кобајаши      Заубер         1:51.450   + 3.110   21
17. Бруно Сена          Вилијамс       1:51.452   + 3.112   11
18. Жан-Ерик Верн       Торо Росо      1:52.009   + 3.669   31
19. Тимо Глок           Марусија       1:52.218   + 3.878   29
20. Хеики Ковалаинен    Катерам        1:52.576   + 4.236   27
21. Чарлс Пик           Марусија       1:52.863   + 4.523   27
22. Виталиј Петров      Катерам        1:52.936   + 4.596   25
23. Педро де ла Роса    ХРТ            1:54.448   + 6.108   25
24. Нараин Картикејан   ХРТ            1:54.514   + 6.174   30