2012 СИНГАПУР ГП: ХАМИЛТОН ГО ПОБЕДИ ЗБУНЕТИОТ ВЕТЕЛ

Луис Хамилтон обезбеди нова Пол позиција за трката во Сингапур. Денес тој беше една лига над другите возачи и со неверојатно брз круг тој ги остави своите ривали за повеќе од половина секунда зад себе. Првите две сесии наговестуваа дека борбата за Пол позицијата ќе биде помеѓу Хамилтон и Ветел, но Британецот при првиот круг во Q3 постави време 1.3сек. побрзо од Германецот. Ветел не можеше да си објасни каде ја изгуби брзината од претходните сесии. Тоа му овозможи на Пастор Малдонадо да стигне до втората позиција, а Ветел при повторниот обид не можеше да се подобри доволно дури и за надминување на Малдонадо.

Џенсон Батон беше четврти најбрз пред водечкиот во генералниот пласман Фернандо Алонсо и Пол ди Реста во брзиот болид на Форс Индија. Марк Вебер беше седми најбрз, но неговата стартна позиција може да се промени бидејќи тој е под истрага за наводно попречување на Тимо Глок во Q1. Роман Грожан, беше осмиот најбрз пред двата болиди на Мерцедес АМГ со Михаел Шумахер и Нико Розберг, кои се решија да не поставуваат времиња во Q3.

 П.     ВОЗАЧ            ТИМ             ВРЕМЕ      РАЗЛИКА
 1. Луис Хамилтон      Мекларен         1:46.362
 2. Пастор Малдонадо   Вилијамс         1:46.804   +  0.442
 3. Себастијан Ветел   Ред Бул          1:46.905   +  0.543
 4. Џенсон Батон       Мекларен         1:46.939   +  0.577
 5. Фернандо Алонсо    Ферари           1:47.216   +  0.854
 6. Пол ди Реста       Форс Индија      1:47.241   +  0.879
 7. Марк Вебер         Ред Бул          1:47.475   +  1.113
 8. Роман Грожан       Лотус            1:47.788   +  1.426
 9. Михаел Шумахер     Мерцедес АМГ     без поставено време
10. Нико Розберг       Мерцедес АМГ     без поставено време
Q2 Најбрзо време: Л.Хамилтон 1:46.665                      
11. Нико Хулкенберг    Форс Индија      1:47.975   +  1.310
12. Кими Раиконен      Лотус            1:48.261   +  1.596
13. Фелипе Маса        Ферари           1:48.344   +  1.679
14. Серџо Перез        Заубер           1:48.505   +  1.840
15. Даниел Рикардо     Торо Росо        1:48.774   +  2.109
16. Жан-Ерик Верн      Торо Росо        1:48.849   +  2.184
17. Бруно Сена         Вилијамс         без поставено време
Q1 Најбрзо време: Р.Грожан 1:47.688                        
18. Камуи Кобајаши     Заубер           1:49.933   +  2.245
19. Виталиј Петров     Катерам          1:50.846   +  3.158
20. Хеики Ковалаинен   Катерам          1:51.137   +  3.449
21. Тимо Глок          Марусија         1:51.370   +  3.682
22. Чарлс Пик          Марусија         1:51.762   +  4.074
23. Нараин Картикејан  ХРТ              1:52.372   +  4.684
24. Педро де ла Роса   ХРТ              1:53.355   +  5.667
107% време: 1:55.226