ОФИЦИЈАЛНО: ВИЛИЈАМС ПРЕМИНУВА НА МЕРЦЕДЕС ПОГОНСКИ ЕДИНИЦИ ЗА 2014

Според условите на договорот, Вилијамс ќе биде снабдуван со Мерцедес-Бенц Погонска единица, (навикнувајте се на овој израз, бидејќи од следната сезона не е со во моторите) која ја сочинува V6 турбо мотор плус системот за обновување на енергијата(сличен на овогодинешниот КЕРС, но со многу поголема моќност) од фабриката на Мерцедес за мотори со високи перформанси со седиште во Бриксворт, Велика Британија. Вилијамс, ќе продолжи со самостојно производство на менувачот.

2014 регулативите им поставуваат нов предизвик на инженерите во овој спорт со завршување на 300 километрарската трка со само 100 кг гориво. За да се овозможи тоа, тимовите се префрлаат од атмосферски 2,4 литарски V8 мотори на 1,6 литарски V6 турбо хибридни погонски единици. За да се постигне моќност која може да се спореди со сегашните нивоа од новата погонска единица ќе се бара 30% зголемување на енергетската ефикасност.

Овој чекор напред во голема мера ќе се постигне преку систем за обновување на енергијата(ERS - Energy Recovery system), кој ќе биде во можност да испорача десет пати повеќе енергија отколку сегашниот КЕРС-систем. Новиот ЕРС-систем ќе ја обновува енергијата од турбина кај издувните гасови и од задната оска, како и имплементирање на енергија назад кон овие две компоненти. Овие нови технички достигнувања ќе понудат значително поголеми можности за трансфер на технологија од Формула 1 во реалниот свет на автомобилите во областите како што технологија на батерии за хибридните возила, турбо полначите, обновување на енергијата и ефикаснот на согорувањето.
ПРОМЕНИ НА ПАЗАРОТ ЗА МОТОРИ ОД 2014

 П.   ТИМ          2013-МОТОР    2014-МОТОР             
 1. Мерцедес АМГ  Мерцедес       Мерцедес
 2. Ферари        Ферари         Ферари
 3. Ред Бул       Рено           Инфинити
 4. Лотус         Рено           Рено
 5. Мекларен      Мерцедес       Мерцедес(Хонда од 2015)
 6. Форс Индија   Мерцедес       Мерцедес
 7. Заубер        Ферари         Ферари
 8. Торо Росо     Ферари         Рено
 9. Вилијамс      Рено           Мерцедес
10. Марусија      Косворт        Ферари
11. Катерам       Рено           Рено