АДРИЈАН ЊУИ, РОС БРАУН, БОБ БЕЛ НА ЛИСТАТА НА ЖЕЛБИ НА ФЕРАРИ

Со почнување на тест сесијата во Барселона се појавија и најновите шпекулации околу тимот на Ферари. Според Италијанските медиуми Лука ди Монтеземоло имал состанок со Адријан Њуи на кој му била предложена баснословна сума за да дојде во Маранело веќе од следната година. Сепак, Њуи не е единствената цел на Ферари, а на листата што ја составил Претседателот на Ферари се наоѓаат Рос Браун и Боб Бел. Според него оваа тројка би можела да воведе ред во техничкиот оддел на Италијанскиот тим.

Адријан Њуи не ја демантираше оваа шпекулација и неговото можно заминување од Ред Бул:

"Моментално сум фокусиран на развојот на РБ10, но во одреден момент морам да мислам за мојата иднина."

Исто така, Ферари за брзо време ќе каже збогум на 2014 сезоната со оглед на потполната доминација на Мерцедес АМГ и ќе се насочат кон развојот на болидот за 2015 година, чиј развој бил многу понапред отколку што треба да биде во ова време, што покажува дека Ферари сериозно размилсува и се фокусира на претстојната натпреварувачка сезона.