2014 ГЕРМАНИЈА ГП: НИКО РОЗБЕРГ НА ПОЛ ПОЗИЦИЈАТА, ХАМИЛТОН ГО УНИШТИ БОЛИДОТ

Нико Розберг по инцидентот на својот тимски колега во Q1, непречено до нова Пол Позиција. До него на првиот ред ќе биде Валтери Ботас со Вилијамс. Луис Хамилтон, поради проблем со сопирачките заврши во бариерите покрај патеката. Механичарите на Мерцедес имаат доста работа за да го поправат неговиот болид. Тој би требало да стартува од 15-та позиција, бидејќи Гутиерес има казна од три стартни места поназад од трката во Велика Британија поради инцидентот со Малдонадо. Но, од Мерцедес АМГ сакаат промена на дискот за сопирање на болидот на Хамилтон, што може да има за последица старт од боксовите. Вториот ред за Фелипе Маса со другиот болид на Вилијамс и Кевин Магнус со Мекларен.
По изоставувањето на FRIC системот очекувавме помали разлики и тоа и го добивме. Разликата помеѓу Ботас и Розберг е две десетинки. Сепак дали е тоа реално или само последица на нефорсирањето на Нико Розберг, по инцидентот на својот единствен ривал за Пол позицијата?!? Единствено сигурно нешто е дека без овој систем абењето на гумите ќе биде поголемо.

Третиот стартен ред резервиран за болидите на Ред Бул, а ново разочарување од тимот на Ферари. Едвај седма позиција за Алонсо и 12-та за Раиконен. Дањил Квјат продолжува да се претставува многу добро и повторно пласман во топ 10 пред двата болиди на Форс Индија кои ги заокружија најбрзите 10 возачи денес на патеката Хокенхајм.

 П.     ВОЗАЧ              ТИМ           ВРЕМЕ     РАЗЛИКА
 1. Нико Розберг        Мерцедес АМГ   1:16.540
 2. Валтери Ботас       Вилијамс       1:16.759   +  0.219
 3. Фелипе Маса         Вилијамс       1:17.078   +  0.538
 4. Кевин Магнусен      Мекларен       1:17.214   +  0.674
 5. Даниел Рикиардо     Ред Бул        1:17.273   +  0.733
 6. Себастијан Ветел    Ред Бул        1:17.577   +  1.037
 7. Фернандо Алонсо     Ферари         1:17.649   +  1.109
 8. Дањил Квјат         Торо Росо      1:17.965   +  1.425
 9. Нико Хулкенберг     Форс Индија    1:18.014   +  1.474
10. Серџо Перез         Форс Индија    1:18.035   +  1.495
    Q2 Најбрзо време: Нико Розберг 1:17.109               
11. Џенсон Батон        Мекларен       1:18.193   +  1.084
12. Кими Раиконен       Ферари         1:18.273   +  1.164
13. Жан-Ерик Верн       Торо Росо      1:18.285   +  1.176
14. Естебан Гутиерес    Заубер         1:18.787   +  1.678
15. Роман Грожан        Лотус          1:18.983   +  1.874
16. Луис Хамилтон       Мерцедес АМГ   без поставено време
    Q1 Најбрзо време: Нико Розберг 1:17.631               
17. Адријан Сутил       Заубер         1:19.142   +  1.511
18. Жил Бјанки          Марусија       1:19.676   +  2.045
19. Пастор Малдонадо    Лотус          1:20.195   +  2.564
20. Камуи Кобајаши      Катерам        1:20.408   +  2.777
21. Макс Чилтон         Марусија       1:20.489   +  2.858
22. Маркус Ериксон      Катерам        без поставено време
    107% време: 1:23.065