2014 ГЕРМАНИЈА ГП: МЕРЦЕДЕС ПОВТОРНО НАЈБРЗ, РИКИАРДО СО ДОБРО ТЕМПО ЗА ТРКА

 Денешните тренинзи за Големата Награда на Германија, на патеката Хокенхајм, поминаа без некои поголеми возбудувања. Мерцедес АМГ без FRIC повторно со најбрзите времиња и тоа стандардно по еден тренинг за Нико Розберг и Луис Хамилтон. Нормално, Британецот секогаш го има побрзото време на вториот тренинг кога се користи и помеката смеша од понудениот избор на Пирели гумите.

Кој е најбрз и фаворит за Пол позицијата го покажуваат табелите со времињата од двата тренинзи, но она што не може да се забележи од нив е темпото за трка, т.е. времињата постигнати кога болидите возеа подолги стинтови со повеќе гориво. Мерцедес АМГ и на ова поле ги имаше најбрзите и најстандардните времиња, секако Луис Хамилтон со неколку десетинки предност пред својот тимски колега, Нико Розберг. Изненадување на денот беше темпото на Даниел Рикиардо, кој при овие стинтови не заостануваше многу зад болидите на Сребрените Стрели.

Нити еден од останатите возачи не беше ни блиску до нивните постигнувања, но со многу минимални временски разлики. Ех, да беше тоа така и со првите места, и да зборувавме за историска битка за Титулите. Интересен факт кој вреди да го споменеме е што Кими Раиконен конечно, многу подобар од Фернандо Алонсо на попладневниот тренинг, но се уште треба да се докаже во трка. 

ВТОР СЛОБОДЕН ТРЕНИНГ

ВОЗАЧ	ТИМ	ВРЕМЕ	РАЗЛИКА	КРУГОВИ
1. Луис Хамилтон	Мерцедес АМГ	1:18.341		38
2. Нико Розберг	Мерцедес АМГ	1:18.365	+ 0.024	39
3. Даниел Рикиардо	Ред Бул	1:18.443	+ 0.102	35
4. Кими Раиконен	Ферари	1:18.887	+ 0.546	38
5. Кевин Магнусен	Мекларен	1:18.960	+ 0.619	40
6. Фелипе Маса	Вилијамс	1:19.024	+ 0.683	36
7.  Џенсон Батон	Мекларен	1:19.221	+ 0.880	40
8. Себастијан Ветел	Ред Бул	1:19.248	+ 0.907	35
9. Фернандо Алонсо	Ферари	1:19.329	+ 0.988	32
10. Валтери Ботас	Вилијамс	1:19.385	+ 1.044	34
11. Адријан Сутил	Заубер	1:19.417	+ 1.076	41
12. Дањил Квјат	Торо Росо	1:19.452	+ 1.111	27
13. Серџо Перез	Форс Индија	1:19.581	+ 1.240	28
14. Нико Хулкенберг	Форс Индија	1:19.593	+ 1.252	32
15. Жан-Ерик Верн	Торо Росо	1:19.760	+ 1.419	32
16. Пастор Малдонадо	Лотус	1:20.158	+ 1.817	35
17. Роман Грожан	Лотус	1:20.358	+ 2.017	35
18. Естебан Гутиерес	Заубер	1:20.504	+ 2.163	40
19. Жил Бјанки	Марусија	1:21.328	+ 2.987	31
20. Маркус Ериксон	Катерам	1:21.870	+ 3.529	21
21. Макс Чилтон	Марусија	1:21.898	+ 3.557	28
22. Камуи Кобајаши	Катерам	1:23.728	+ 5.387	12