Тој неодамна му се приклучи на јуниорскиот тим на Ред Бул, а доаѓа од Формула 3 Шампионатот, каде оваа сезона триумфираше на седум трки со што го привлече вниманието на Формула 1 тимовите. Ако ви е познато ова презиме, сигурно се сеќавате на неговиот татко Јос Ферстапен, кој возеше за Бенетон, Симтек, Футворк, Тајрел, Стјуарт, Ероуз и Минарди. За девет години и 106 извозени трки, најдобриот резултат го оствари во дебитантската сезона со две трети места во Унгарија и Белгија.
Макс не можеше да ја сокрие својата радост: "Ми се оствари сонот. Многу сум возбуден. Најмногу му благодарам на мојот татко Јос, кој се години ме подготвуваше за ова. Им благодарам на сите кои веруваа во мојот талент и кои ме финансираа во овие тешки моменти".
Жан-Ерик Верн, кој е решен да остане во Формула и следната сезона, се јави со реакција на твитер: "Торо Росо е добрo училиште. Научив многу. Сега ќе се фокусирам на добра завршница на оваа сезона. Јас веќе работам на плановите за 2015 година и имам уште многу да покажам во Ф1."
Потпишување на Ферстапен е исто така лоша вест и за Карлос Саинц Јуниор, за кој се очекуваше дека ќе дебитира во овој тим. Саинц во моментов води во Формула Рено 3.5 Шампионатот, и најверојатно сега единствена шанса за да биде вклучен во Ф1 следната сезона е улогата на тест возач.
