2014 ЈАПОНИЈА ГП: ЛУИС ХАМИЛТОН СО НАЈБРЗОТО ВРЕМЕ НА ПЕТОЧНИТЕ ТРЕНИНГ СЕСИИ

Луис Хамилтон го забележа најбрзото време на петочните тренинзи за Јапонското ГП. Возачот на Мерцедес АМГ беше побрз од својот тимски колега и единствен ривал за шампионската титула, Нико Розберг, кој имаше заостанување од 0,240 секунди. Најбрзите времиња секако беа поставени на вториот слободен тренинг, кога во употреба беше побрзата компонента на Пирели гумите, во овој случај медиум смешата. Најдобар од останатите беше Валтери Ботас, кој беше 1.201 секунди побавен од Хамилтон.

Џенсон Батон со неговиот Мекларен го имаше четвртото најбрзо време, пред Себастијан Ветел кој денес беше побрз во тимот на Ред Бул, по првата посериозна возачка грешка на неговиот тимскиот колега, Даниел Рикиардо, што резултираше со излетување од патеката и судир со бариерите. Тоа значеше предвремен крај на сезијата за него, но сепак го имаше 10-тото најбрзо време.

Кими Раиконен денес го имаше најбрзото време од возачите на Ферари, но само со десетинка предност пред Фернандо Алонсо, за кого се се погласни шпекулациите дека ги вози последните трки за Италијанскиот тим.

Нико Розберг за време на првиот слободен тренинг го забележа најбрзото време со предност од 0.151 секунди прес својот тимски колега од Мерцедес АМГ. Луис Хамилтон при неговиот брз круг имаше блокирање на тркалата при сопирање, што можеби го чинеше пласман на првото место на табелата. Фернандо Алонсо беше најдобар од сите останати со трето најбрзо време и нешто повеќе од половина секунда зад Розберг. Останатите имаа заостанување поголемо од една секунда, што уште еднаш ја потврдува големата предност што Сребрените стрели ја имаат оваа сезона.

Макс Ферстапен, го имаше своето деби во претпладневната сесија, во болидот на Торо Росо, заменувајќи го Жан-Ерик Верн. Холанѓанецот, кој пред неколку дена наполни 17 години, прво имаше проблеми со одржување на постојана брзина во трета брзина, како и некои проблеми со ракувањето на STR9, за да дефект на ПЕ го предизвика 10 минутниот предвремен крај на сесијата за него. Ферстапен, извозе 22 круга и го забележа 12-тото најбрзо време, со 0.443 секунди заостанување зад тимскиот колега, Дањил Квјат.

Саботниот тренинг е закажан за 04:00 часот, а Квалификациите за Јапонското Гран При започнуваат во 07:00 часот по македонско време.



ВТОР СЛОБОДЕН ТРЕНИНГ

ВОЗАЧ	ТИМ	ВРЕМЕ	РАЗЛИКА	КРУГОВИ
1. Луис Хамилтон	Мерцедес АМГ	1:35.078		28
2. Нико Розберг	Мерцедес АМГ	1:35.318	+ 0.240	27
3. Валтери Ботас	Вилијамс	1:36.279	+ 1.201	24
4. Џенсон Батон	Мекларен	1:36.409	+ 1.331	28
5. Себастијан Ветел	Ред Бул	1:36.436	+ 1.358	24
6. Кими Раиконен	Ферари	1:36.529	+ 1.451	19
7. Фернандо Алонсо	Ферари	1:36.637	+ 1.559	26
8. Кевин Магнусен	Мекларен	1:36.714	+ 1.636	31
9. Дањил Квјат	Торо Росо	1:36.943	+ 1.865	27
10. Даниел Рикиардо	Ред Бул	1:37.186	+ 2.108	3
11. Жан-Ерик Верн	Торо Росо	1:37.219	+ 2.141	19
12. Нико Хулкенберг	Форс Индија	1:37.504	+ 2.426	16
13. Роман Грожан	Лотус	1:37.563	+ 2.485	31
14. Фелипе Маса	Вилијамс	1:37.700	+ 2.622	18
15. Серџо Перез	Форс Индија	1:37.786	+ 2.708	8
16. Пастор Малдонадо	Лотус	1:37.798	+ 2.720	27
17. Адријан Сутил	Заубер	1:38.010	+ 2.932	25
18. Естебан Гутиерез	Заубер	1:38.365	+ 3.287	9
19. Маркус Ериксон	Катерам	1:39.069	+ 3.991	22
20. Жил Бјанки	Марусија	1:39.306	+ 4.228	20
21. Макс Чилтон	Марусија	1:39.333	+ 4.255	24
22. Камуи Кобајаши	Катерам	1:42.760	+ 7.682	3

 

ПРВ СЛОБОДЕН ТРЕНИНГ

ВОЗАЧ	ТИМ	ВРЕМЕ	РАЗЛИКА	КРУГОВИ
1. Нико Розберг	Мерцедес АМГ	1:35.461		27
2. Луис Хамилтон	Мерцедес АМГ	1:35.612	+ 0.151	26
3. Фернандо Алонсо	Ферари	1:36.037	+ 0.576	19
4. Валтери Ботас	Вилијамс	1:36.576	+ 1.115	25
5. Кими Раиконен	Ферари	1:37.187	+ 1.726	19
6. Кевин Магнусен	Мекларен	1:37.327	+ 1.866	24
7. Даниел Рикиардо	Ред Бул	1:37.466	+ 2.005	27
8. Џенсон Батон	Мекларен	1:37.649	+ 2.188	24
9. Себастијан Ветел	Ред Бул	1:37.686	+ 2.225	26
10. Дањил Квјат	Торо Росо	1:37.714	+ 2.253	26
11. Фелипе Маса	Вилијамс	1:38.012	+ 2.551	22
12. Макс Ферстапен	Торо Росо	1:38.157	+ 2.696	22
13. Серџо Перез	Форс Индија	1:38.324	+ 2.863	10
14. Нико Хулкенберг	Форс Индија	1:38.582	+ 3.121	9
15. Роман Грожан	Лотус	1:38.851	+ 3.390	21
16. Адријан Сутил	Заубер	1:39.046	+ 3.585	19
17. Пастор Малдонадо	Лотус	1:39.097	+ 3.636	26
18. Естебан Гутиерез	Заубер	1:39.318	+ 3.857	18
19. Маркус Ериксон	Катерам	1:40.031	+ 4.570	18
20. Роберто Мери	Катерам	1:41.472	+ 6.011	24
21. Жил Бјанки	Марусија	1:41.580	+ 6.119	10
22. Макс Чилтон	Марусија	1:41.757	+ 6.296	15