2014 РУСИЈА ГП: ЛУИС ХАМИЛТОН ЗАСТРАШУВАЧКИ БРЗ НА ВТОРИОТ СЛОБОДЕН ТРЕНИНГ

Мерцедес АМГ и Луис Хамилтон повторно во застрашувачка форма на првиот ден од Руското ГП. Британецот го имаше најбрзиот круг на петочните тренинг сесии со време од 1:39.630, забележано на попладневниот тренинг на патеката во Сочи, далеку побрзо од својот најблизок конкурент, Кевин Магнусен со болидот на Мекларен.

Фернандо Алонсо имаше трето најбрзо време, извлекувајќи го максимумот од Ф14 Т, за разлика од својот тимски колега, кој не можеше да постигне Топ 10 пласман. Нико Розберг имаше проблем со сопирањето на болидот при својот брз круг и излета надвор од патеката, но го сочува болидот под контрола, и успеа да помине без поголема штета за своите шанси за висок пласман овој викенд.

Возачите најголемите грешки, ќе ги прават на свиоците со број 2 и 13 каде имаме големо и нагло намалување на брзината, кога се треба да работи совршено за да се земат овие свиоци како треба без изгубено непотребно време.

Временските услови во Сочи за разлика од Јапонија беа во ред, па така возачите ги поминаа планираните тест програми на двете компоненти на Пирели гумите. Разликата од околу 1,5 секунди помеѓу меките и медиум гумите, се очекува значително да се намалува како што поминува викендот, како и вкупното време потребно за комплетирање на еден круг. Според Пирели, тоа се должи на високиот степен на еволуција, својствен за новите патеки.

Немаше некои поголеми возбудувања на денешните тренинг сесии, а тимовите собираа колку што може повеќе податоци од телеметријата на болидите, кои би се анализирале добро за да се искористат за фино подесување на вистинскиот сет-ап за време на утрешниот тренинг кој започнува од 10:00 часот по наше време. Вистинската борба и откривање на сите карти следува во 13:00 часот, за кога е закажан стартот на Квалификациите за старните позиции на Руското Гран При.

ВТОР СЛОБОДЕН ТРЕНИНГ

ВОЗАЧ	ТИМ	ВРЕМЕ	РАЗЛИКА	КРУГОВИ
1. Луис Хамилтон	Мерцедес АМГ	1:39.630		27
2. Кевин Магнусен	Мекларен	1:40.494	+ 0.864	32
3. Фернандо Алонсо	Ферари	1:40.504	+ 0.874	32
4. Нико Розберг	Мерцедес АМГ	1:40.542	+ 0.912	30
5. Валтери Ботас	Вилијамс	1:40.573	+ 0.943	33
6. Џенсон Батон	Мекларен	1:40.718	+ 1.088	32
7. Фелипе Маса	Вилијамс	1:40.731	+ 1.101	30
8. Дањил Квјат	Торо Росо	1:41.108	+ 1.478	32
9. Себастијан Ветел	Ред Бул	1:41.369	+ 1.766	30
10. Жан-Ерик Верн	Торо Росо	1:41.531	+ 1.901	33
11. Кими Раиконен	Ферари	1:41.630	+ 2.000	24
12. Нико Хулкенберг	Форс Индија	1:41.677	+ 2.047	27
13. Даниел Рикиардо	Ред Бул	1:42.061	+ 2.431	25
14. Серџо Перез	Форс Индија	1:42.090	+ 2.460	29
15. Адријан Сутил	Заубер	1:42.233	+ 2.603	31
16. Роман Грожан	Лотус	1:42.892	+ 3.262	30
17. Пастор Малдонадо	Лотус	1:42.905	+ 3.275	33
18. Естебан Гутиерез	Заубер	1:43.055	+ 3.425	33
19. Маркус Ериксон	Катерам	1:44.135	+ 4.505	22
20. Макс Чилтон	Марусија	1:44.530	+ 4.900	29
21. Камуи Кобајаши	Катерам	1:44.952	+ 5.322	27