2015 КАНАДА ГП: МЕРЦЕДЕС ДАЛЕКУ НАПРЕД

Заврши првиот слободен тренинг за Големата Награда на Канада. Веднаш да кажеме дека не донесе ништо ново, а Мерцедес АМГ е набрзиот тим на патеката. Останатите тимови заостануваа повеќе од една секунда, па ако остане на овие разлики тешко дека некој ќе може да им ја оспори Пол позицијата и Победата на Сребрените стрели. Не дека не беше така и на претходните тркачки викенди, но разликата како да станува се поголема. Настрана тоа што Мерцедес Бенц нема никакво подобрување на својата ПЕ, наспроти надградбите на Ферари т.е. Хонда.

Луис Хамилтон и Нико Розберг доминираа, стандардно Британецот за половина секунда побрз од тимскиот колега, далеку пред останатите возачи. Роман Грожан го забележа третото најбрзо време, со заостанување од 1.5 секунда. Кога ќе се погледне табелата, забележуваме дека Мерцедес придвижуваните болиди доминираа на првата тренинг сесија на патеката Жил Вилнев, која се карактеризира со три долги правци. Четири од петте најбрзи болиди имаат Мерцедес ПЕ. Дури и болидот на Форс Индија беше пред Себастијан Ветел, кој со Ферари беше единствениот кој се замеша во Топ 5 пласманот.

Како и секогаш кога патеката е свежа, повеќето од возачите имаа свои моменти, кога не можеа да го исконтролираат својот болид. Тоа особено беше изразено при влез во финалниот свиок. Втората 90-минутна сесија започнува во 20:00 часот по македонско време, на која метеоролозите предвидуваат врнежи од дожд.

ПРВ СЛОБОДЕН ТРЕНИНГ

 П.     ВОЗАЧ             ТИМ           ВРЕМЕ      РАЗЛИКА КРУГОВИ
 1. Луис Хамилтон       Мерцедес АМГ   1:16.212              34
 2. Нико Розберг        Мерцедес АМГ   1:16.627   +  0.415   38
 3. Роман Грожан        Лотус          1:17.721   +  1.509   35
 4. Нико Хулкенберг     Форс Индија    1:17.871   +  1.659   34
 5. Себастијан Ветел    Ферари         1:17.905   +  1.693   25
 6. Фелипе Маса         Вилијамс       1:17.985   +  1.773   28
 7. Дањил Квјат         Ред Бул        1:18.021   +  1.809   30
 8. Пастор Малдонадо    Лотус          1:18.026   +  1.814   41
 9. Фернандо Алонсо     Мекларен       1:18.128   +  1.916   34
10. Макс Ферстапен      Торо Росо      1:18.257   +  2.045   24
11. Валтери Ботас       Вилијамс       1:18.325   +  2.113   40
12. Кими Раиконен       Ферари         1:18.439   +  2.227   26
13. Серџо Перез         Форс Индија    1:18.503   +  2.291   28
14. Даниел Рикардо      Ред Бул        1:18.775   +  2.563   24
15. Џенсон Батон        Мекларен       1:18.786   +  2.574   25
16. Фелипе Наср         Заубер         1:18.948   +  2.736   30
17. Карлос Саинц ЈР.    Торо Росо      1:19.065   +  2.853   23
18. Маркус Ериксон      Заубер         1:19.165   +  2.953   32
19. Роберто Мери        Манор          1:20.616   +  4.404   33
20. Вил Стивенс         Манор          1:20.624   +  4.412   27

* 2014: Фернандо Алонсо - Ферари - 1:17.238